یوئیفا کا ٹرمپ کے کہنے پر بیلوگن کی پابندی منسوخ کرنے پر اہم بیان

یوئیفا نے امریکی صدر ٹرمپ کے کہنے پر فیفا کی جانب سے بیلوگن کی پابندی منسوخ کرنے پر فیفا کو آڑے ہاتھوں لے لیا۔ یورپی فٹ بال کی گورننگ باڈی نے فیفا کو شدید تنقید کا نشانہ بنایا ہے جب عالمی گورننگ باڈی نے فیفا ورلڈ کپ میں ریڈ کارڈ ملنے کے بعد امریکی فارورڈ فولارین بالوگن پر عائد ایک میچ کی پابندی کو معطل کر دیا۔ یہ فیصلہ امریکی صدر ڈونلڈ ٹرمپ کی جانب سے فیفا کے صدر جیانی انفانٹینو سے رابطہ کرنے اور اس کیس پر نظرثانی کی درخواست کے بعد سامنے آیا۔ بالوگن کو ریڈ کارڈ ملنے کے بعد بیلجیئم کے خلاف امریکا کے راؤنڈ آف 16 کے مقابلے سے باہر ہونا تھا کیونکہ ریڈ کارڈ پر عام طور پر خودکار طور پر پابندی عائد ہو جاتی ہے۔ تاہم، فیفا نے اس پابندی کے نفاذ کو ایک سال کی آزمائشی مدت کے لیے معطل کرنے کا فیصلہ کیا جبکہ ریڈ کارڈ کو کھلاڑی کے ڈسپلنری ریکارڈ کا حصہ رہنے دیا۔ اس فیصلے نے فیفا کے تادیبی طریقہ کار کی خود مختاری اور یکسانیت پر بڑے پیمانے پر بحث چھیڑ دی ہے اور بیلجیئم نے بھی ناک آؤٹ میچ سے قبل اس فیصلے پر سخت مایوسی کا اظہار کیا ہے۔ یوئیفا نے فیفا کے اس معاملے کو نمٹانے کے طریقے پر سوالات اٹھائے اور کھیل کے لیے اس کے وسیع تر اثرات سے خبردار کیا۔ یورپی فٹ بال کی گورننگ باڈی نے کہا کہ ہم ایسے، ناقابل فہم اور بلا جواز فیصلے پر اپنی حیرت اور بے یقینی کا اظہار کرتے ہیں۔ جب قوانین کے محافظوں کی جانب سے ہی ان کی یقین دہانی باقی نہ رہے تو کھیل کی ساکھ خطرے میں پڑ جاتی ہے اور کسی بھی مقابلے کی ساکھ کو نقصان پہنچتا ہے۔

Source: social media