اتر پردیش میں پولس بھرتی امتحان کے پیپر لیک کے سلسلے میں بڑے ہنگامے کو دیکھتے ہوئے ریاست کی یوگی آدتیہ ناتھ حکومت کو جھکنا پڑا۔ سی ایم یوگی نے طلباء کی شکایت کے بعد یوپی پولیس بھرتی امتحان کو منسوخ کرنے کا اعلان کیا ہے۔ یہ امتحان چھ ماہ کے اندر ایک بار پھر منعقد کیا جائے گا۔ اس کا اعلان پولیس ریکروٹمنٹ بورڈ کی طرف سے جلد کیا جائے گا۔ یوپی پولیس بھرتی امتحان کا پرچہ لیک ہونے کے بعد سی ایم یوگی نے یوپی پولیس کانسٹیبل بھرتی امتحان-2023 کو منسوخ کر دیا ہے۔ سی ایم یوگی نے واضح طور پر کہا ہے کہ یہ امتحان 6 ماہ کے اندر مکمل درستگی کے ساتھ دوبارہ کرایا جائے گا۔ وزیراعلیٰ نے امتحانات میں دھاندلی کرنے والوں کے خلاف سخت کارروائی کی یقین دہانی بھی کرائی۔ امتحان کی رازداری کی خلاف ورزی کرنے والے ایس ٹی ایف کے ریڈار میں ہیں۔ اس معاملے میں اب تک کئی بڑی گرفتاریاں ہو چکی ہیں۔ پولیس بھرتی امتحان لیک کیس کی تحقیقات ایس ٹی ایف کو سونپ دی گئی ہے۔ آپ کو بتا دیں کہ امتحان کے بعد سے ہی امیدوار پیپر لیک کے خلاف مسلسل احتجاج کر رہے تھے، جس کے بعد ایس پی صدر اکھلیش یادو اور کانگریس لیڈر ان راہل گاندھی و پرینکا گاندھی نے بھی اس معاملے کو اٹھایا تھا۔ معاملہ گرم ہونے کے بعد اس کی جانچ کے لیے ریکروٹمنٹ بورڈ نے ایک عبوری کمیٹی بھی تشکیل دی تھی اور اب سی ایم یوگی نے اس امتحان کو منسوخ کر دیا ہے۔
Source: Social Media
دہلی شراب گھوٹالہ:وزیر اعلیٰ کجریوال کو کوئی راحت نہیں، عدالتی حراست میں 8 اگست تک توسیع
کپواڑہ تصادم :فوجی جوان اور ملی ٹینٹ ہلاک، آپریشن ہنوز جاری
سپریم کورٹ سے مرکز کو بڑا جھٹکا! معدنیات پر ٹیکس کے معاملے میں ریاستی حکومتوں کے حق میں فیصلہ
دوسرے مرحلے کے بیلسٹک میزائل دفاعی نظام کا کامیاب تجربہ
بنگال کی تقسیم کو لے کر بی جے پی اور ترنمول کانگریس آمنے سامنے۔تقسیم کے سوال پر بی جے پی اندرونی تقسیم کی شکار
بہن کے دوسری ذات میں شادی کر نے پر بھائیوں نے بہنونی کو کیا قتل
پاکستان جموں وکشمیر میں درپردہ جنگ کو فروغ دے رہا ہے، دشمن کو منہ توڑ جواب دینے کی صلاحیت رکھتے ہیں :وزیر اعظم مودی
بنگال کی تقسیم کو لے کر بی جے پی اور ترنمول کانگریس آمنے سامنے۔تقسیم کے سوال پر بی جے پی اندرونی تقسیم کی شکار
بہن کے دوسری ذات میں شادی کر نے پر بھائیوں نے بہنونی کو کیا قتل
لوک سبھا میں ہنگامہ، کارروائی پھر ملتوی