Kolkata

اکیس جولائی کی فائل کھل رہی ہے! آج ہی اسمبلی میں کمیشن کی رپورٹ پیش کریں گے شوبھندو

20/07/26

اکیس جولائی کی فائل کھل رہی ہے! آج ہی اسمبلی میں کمیشن کی رپورٹ پیش کریں گے شوبھندو اکیس جولائی کے موقع پر فائل کھل رہی ہے۔ پیر کی شام اسمبلی میں جسٹس سوشانت چٹوپادھیائے کی سربراہی میں تحقیقاتی کمیشن کی رپورٹ جاری کریں گے، یہ اعلان وزیر اعلیٰ شبھیندو ادھیکاری نے کر دیا۔ پیر کی صبح اسمبلی پہنچ کر انہوں نے یہ اعلان کیا۔ انہوں نے اسپیکر رتھیندر ناتھ بوس سے درخواست کی، ''شام میں ۱۰ منٹ لوں گا، 21 جولائی تحقیقاتی کمیشن کی رپورٹ پڑھ کر سناو¿ں گا۔ پچھلی حکومت نے کمیشن تو بنایا لیکن اس کی رپورٹ کبھی جاری نہیں کی۔ رپورٹ میں کیا ہے، وہ آج پڑھ کر سناو¿ں گا۔ 21جولائی کو شناختی کارڈ کے مطالبے پر یوتھ کانگریس کا رائٹرس بلڈنگ آپریشن بنگال کی سیاست کی تاریخ میں ایک انتہائی اہم باب ہے۔ اس وقت کے حاکم جیوتی باسو کے ہوم سکریٹری منیش گپتا کے حکم پر مظاہرین پر فائرنگ کی گئی تھی۔ جس میں13یوتھ کانگریس کارکن شہید ہوئے۔ اس آپریشن کی قیادت اس وقت کی یوتھ کانگریس صدر ممتا بنرجی کر رہی تھیں۔ انہوں نے ہی بڑی تحریک منظم کی تھی۔ بعد میں انہوں نے کانگریس چھوڑ کر ترنمول کانگریس بنائی۔2011میں ریاست کی اقتدار میں آ کر ممتا بنرجی وزیر اعلیٰ بنیں۔ اکیس جولائی کے اس واقعے کی مکمل تحقیقات کے لیے جسٹس سوشانت چٹوپادھیائے کی سربراہی میں تحقیقاتی کمیشن تشکیل دیا۔ انہوں نے15 سال اقتدار میں رہتے ہوئے اس کمیشن کی رپورٹ کو فائل بند رکھا۔ اس کے برعکس اس وقت فائرنگ کے احکامات دینے والے منیش گپتا کو ممتا نے ایم ایل اے اور وزیر بنایا تھا۔ اس پر کانگریس اور ناراض ترنمول کے درمیان کافی غصہ پایا جاتا ہے۔

Source: Admin