لندن: شہزادی ڈیانا کی زندگی پر خفیہ فلم میں شہزادہ ہیری کی اہلیہ میگھن مارکل کے اہم کردار ادا کرنے کا امکان ہے۔

ڈیوک آف سسیکس شہزادہ ہیری نے اپنی والدہ شہزادی ڈیانا کی زندگی پر بننے والی خفیہ فلم پر کام شروع کر دیا ہے جس میں ان کی اہلیہ، اداکارہ میگھن مارکل کے لیے اہم کردار زیر غور ہے۔

میڈیا رپورٹس کے مطابق شہزادہ مبینہ طور پر شہزادی ڈیانا کی زندگی سے متعلق اس پروجیکٹ میں اپنی اہلیہ کو شامل کرنے پر غور کر رہے ہیں۔

41 سالہ شہزادہ ہیری چاہتے ہیں کہ میگھن والدہ ڈیانا کی کہانی کی راوی کے طور پر فلم میں نظر آئیں۔

میگھن محض مختصر کردار کے لیے نہیں آرہیں، بلکہ وہ ڈیانا کی کہانی کی آواز بن رہی ہیں، جس کا مطلب ہے کہ وہ فلم کی مرکزی شخصیات میں شامل ہوں گی، ہیری بیٹے کے طور پر موجود ہو سکتے ہیں، لیکن ناظرین ڈیانا کی کہانی میگھن کی آواز میں سنیں گے۔

ڈیوک آف سسیکس گزشتہ ماہ اہلیہ میگھن مارکل اور اپنے بچوں، شہزادہ آرچی اور شہزادی للی بیٹ کے ہمراہ طویل قیام کے لیے برطانیہ واپس آئے تھے۔

واضح رہے کہ شہزادی ڈیانا 1997 میں پیرس میں کار حادثے میں ہلاک ہوئی تھیں۔