سابق امریکی صدر جو بائیڈن کی بیٹی کا شوہر سے طلاق لینے کا فیصلہ

سابق امریکی صدر جو بائیڈن کی بیٹی نے اپنے شوہر سے طلاق لینے کا فیصلہ کرلیا۔ امریکی میڈیا کے مطابق 44 سالہ ایشلی بائیڈن نے شوہر سے علیحدگی کے لیے عدالت سے رجوع کرلیا ہے۔ ایشلی بائیڈن نے شادی کے 13 سال بعد پلاسٹک سرجن ڈاکٹر ہوورڈ کرین سے راہیں جدا کرنے کا فیصلہ کیا ہے۔ امریکی میڈیا کے مطابق ایشلی بائیڈن رواں ہفتے کے آغاز میں فلاڈیلفیا کی فیملی کورٹ میں طلاق کے لیے درخواست دائر کی ہے جس میں شادی کی ناکامی کا ذکر کیا گیا ہے۔ میڈیا رپورٹس کے مطابق ایشلی بائیڈن نے عدالتی کارروائی سے کچھ دیر پہلے سوشل میڈیا پر ایک مرد اور خاتون کی ہاتھ پکڑے تصویر پوسٹ کی تھی جس میں ان کا اشارہ تھا کہ یہ ان کے خاوند اور گرل گرینڈ کی تصویر ہے۔ امریکی میڈیا کے مطابق ایشلی بائیڈن نے کچھ دیر بعد یہ اسٹوری اپنے سوشل میڈیا اکاؤنٹ سے ہٹادی تھی۔ امریکی میڈیا کا کہنا ہے کہ ایشلی بائیڈن کی سوشل میڈیا اسٹوری اور طلاق کے لیے دائر درخواست کے حوالے سے ڈاکٹر ہوورڈ کرین سے مؤقف لینے کی کوشش کی گئی تاہم انہوں نے انکار کردیا۔ واضح رہے کہ ایشلی بائیڈن اور ڈاکٹر ہوورڈ کرین کی شادی 2012 میں ہوئی تھی۔

Source: Social media