مریض کے ڈسچارج پیپر میں خصوصی طور پر معذور لکھنے کے لیے دباو¿! اسپتال کے سپرنٹنڈنٹ کو بی جے پی رہنما کی ’دھمکی‘
اسپتال کے سپرنٹنڈنٹ کے کمرے میں داخل ہوکر دھمکی دینے اور گالی گلوچ کرنے کا الزام بی جے پی کے ندیا جنوبی تنظیمی ضلع کے نائب صدر سواپن گھوش کے خلاف عائد ہوا ہے۔ اسپتال کے سپرنٹنڈنٹ پرہلاد ادھیکاری نے مذکورہ بی جے پی رہنما کے خلاف راناگھاٹ تھانے میں تحریری شکایت درج کرائی ہے۔

اسپتال ذرائع کے مطابق، حال ہی میں راناگھاٹ سب ڈویڑنل اسپتال سے زیر علاج ایک خاتون کو چھٹی دی گئی تھی۔ الزام ہے کہ بی جے پی رہنما سواپن گھوش اسپتال کے سپرنٹنڈنٹ پر دباو¿ ڈال رہے تھے کہ خاتون کے ڈسچارج دستاویزات میں یہ درج کیا جائے کہ وہ معذور ہیں اور ان میں دستخط کرنے کی صلاحیت نہیں ہے۔

جمعرات کی دوپہر وہ ایک دو دیگر افراد کے ساتھ سپرنٹنڈنٹ کے چیمبر میں پہنچے۔ الزام ہے کہ بغیر اجازت کمرے میں داخل ہوکر بی جے پی رہنما اس معاملے پر سپرنٹنڈنٹ پر دباو¿ ڈالنے لگے۔ سپرنٹنڈنٹ پرہلاد ادھیکاری نے انہیں بتایا کہ متعلقہ مریضہ کا براہ راست معائنہ کیے بغیر اس طرح کا سرٹیفکیٹ یا تبصرہ دستاویزات میں درج کرنا ممکن نہیں ہے۔

اس کے بعد ہی مذکورہ بی جے پی رہنما مشتعل ہوگئے۔ الزام ہے کہ انہوں نے سپرنٹنڈنٹ کو نازیبا زبان میں گالیاں دینا شروع کر دیں اور انہیں دھمکیاں بھی دیں۔