بی جے پی کارکنوں نے ہی کوستو کو لگائے ’گو بیک‘ کے نعرے
بی جے پی رہنما منیش شکلا کے قتل کے ملزمین کے ساتھ وزیر ارجن سنگھ کی تصویر دیکھ کر بی جے پی رکن اسمبلی کوستھو باگچی نے سخت ناراضگی ظاہر کی تھی۔ اس کے بعد سے دونوں ملحقہ اسمبلی حلقوں کے بی جے پی اراکین اسمبلی کے گروپوں کے درمیان لفظی جنگ جاری ہے۔ اب بیرک پور میں خود بی جے پی کارکنوں کے احتجاج کا سامنا کوستھو کو کرنا پڑا!
گزشتہ چند دنوں سے بیرک پور صنعتی علاقے میں کوستھو اور ارجن گروپ کے درمیان سیاسی تصادم دیکھا جا رہا ہے۔ کوستھو نے جن رہنماو¿ں کے بی جے پی میں شامل ہونے پر پارٹی دفتر کے سامنے خود کو آگ لگا کر خودکشی کرنے کی دھمکی دی تھی، ان میں سے ایک کے گھر مٹھائی لے کر ’وجیا‘ کی مبارک باد دینے بی جے پی کے دوسرے گروپ کے رہنما پہنچے تھے۔ اب بی جے پی کے مرد اور خواتین کارکنوں نے اپنی ہی پارٹی کے رکن اسمبلی کے خلاف ’گو بیک‘ کے نعرے لگائے۔