ہفتہ وار چھٹی میں شانتی نکیتن جانے کا پلان ہے؟ وشو بھارتی گھومنے کا ٹکٹ اب موبائل پر ہی ملے گا!
اب کاو¿نٹر کی لمبی قطار میں کھڑے ہونے کی ضرورت نہیں، موبائل فون پر ہی ای-ٹکٹ ملے گا! پوجا کے بعد سے ای-ٹکٹ کے ذریعے وشو بھارتی کی ہیریٹیج واک کی سیر مزید آسان ہونے والی ہے۔ اس کے نتیجے میں شانتی نکیتن میں رابندر ناتھ ٹیگور کی یادوں سے وابستہ گھر، تاریخی عمارتیں اور عجائب گھر ایک ہی ٹکٹ سے دیکھنے کا موقع ملے گا۔ صرف ٹکٹ خریدنے کے طریقے میں ہی تبدیلی نہیں ہوگی، بلکہ سیاحتی نظام میں ٹیکنالوجی کا نیا رنگ شامل کرنے کے لیے وشو بھارتی بارکوڈ کا نظام بھی شروع کرنے جا رہی ہے۔ یونیورسٹی میں ای-ٹکٹ شروع کرنے کے لیے پہلے ہی ٹینڈر کا عمل شروع ہوچکا ہے۔
رابندر ناتھ ٹیگور کی یادوں سے وابستہ شانتی نکیتن ہمیشہ سے ہی سیاحوں کے لیے خاص کشش کا مرکز رہا ہے۔ اسی کشش کی وجہ سے ملک و بیرون ملک سے روزانہ بڑی تعداد میں لوگ یہاں آتے ہیں۔ لیکن ہیریٹیج واک کے ٹکٹ کے لیے کاو¿نٹر پر انتظار، بھیڑ اور وقت کی پابندی اکثر سیاحوں کے تجربے کو متاثر کرتی تھی۔ اب یہی تصویر بدلنے والی ہے۔ پوجا کے بعد گھر بیٹھے ہی ای-ٹکٹ پہلے سے بک کرکے مقررہ وقت پر وشو بھارتی کی تاریخی وراثت کے دروازے تک پہنچا جاسکے گا۔
ایک طرف مختلف سیاحتی مقامات کے الگ الگ ٹکٹ ہوں گے، تو دوسری طرف ایک ساتھ پانچ مقامات کی سیر کے لیے کومبو ٹکٹ بھی دستیاب ہوگا۔ طلبہ کے لیے خصوصی رعایت بھی دی جائے گی۔ ٹکٹ کی صداقت کے حوالے سے کوئی تنازع نہ ہو، اس کے لیے ہر ای-ٹکٹ پر بارکوڈ استعمال کرنے کا منصوبہ ہے۔ یعنی رابندر ناتھ ٹیگور کی تاریخی وراثت دیکھنے کے تجربے کے ساتھ اب جدید ٹیکنالوجی بھی شامل ہونے والی ہے۔
سیاحوں کے لیے شاعرِ اعظم کے زیرِ استعمال پانچ گھر—ا±دَیَن، ا±دیچی، کونارک، شیاملی اور پونشچو—کھولے جا رہے ہیں۔ اس کے علاوہ رابندر بھون میوزیم بھی ہے، جہاں شاعرِ اعظم کے زیرِ استعمال مختلف اشیا، مخطوطات اور نوبیل تمغے کی نقل محفوظ ہے۔ سیر کے دوران شانتی نکیتن گرہ کے ساتھ کلا بھون میوزیم بھی شامل ہے۔
فی الحال ہیریٹیج واک کے عام ٹکٹ کی قیمت فی شخص 300 روپے ہے۔ گروپ کی صورت میں طلبہ کے لیے 50 روپے اور انفرادی طلبہ کے لیے 150 روپے ہے۔ غیر ملکی سیاحوں کے لیے ٹکٹ کی قیمت 1000 روپے ہے۔ ایک گروپ میں زیادہ سے زیادہ 25 سیاح داخل ہوسکتے ہیں۔ رابندر بھون میوزیم کے کاو¿نٹر سے ٹکٹ ملنے کے باوجود اب آن لائن بکنگ کی سہولت بھی شروع ہونے والی ہے۔
2027 کی یکم جنوری سے ’لائٹ اینڈ ساو¿نڈ‘ شروع کرنے کا منصوبہ ہے۔ وشو بھارتی کے وائس چانسلر پروبیر کمار گھوش نے کہا، “یہ کئی دنوں سے ہمارا منصوبہ تھا۔ اب اسے عملی شکل ملنے والی ہے۔ پوجا سے پہلے ہی ای-ٹکٹ شروع کرنے کا فیصلہ کیا گیا تھا، لیکن ایسا نہیں ہوسکا۔ پوجا کے بعد سے ای-ٹکٹ شروع ہوجائے گا۔ ٹینڈر کا عمل بھی جاری ہے۔