کالا دھن سفید کرنے کے لیے جعلی بینک اکاونٹ، ڈھائی سو کروڑ سے زائد کا لین دین! بینک مینیجر سمیت 2 گرفتار
ایک نچلی عدالت کے ایک کلرک کے نام پر جعلی دستاویزات کا استعمال کرکے ایک نجی بینک میں اکاونٹ کھولا گیا تھا۔ اس اکاونٹ میں کروڑوں روپے کا لین دین جاری تھا۔ آخرکار پولیس نے ملزم کو گرفتار کرلیا۔ اس کے ساتھ ہی متعلقہ بینک کے مینیجر سمیت مزید ایک نوجوان کو بھی گرفتار کیا گیا ہے۔
پولیس ذرائع کے مطابق، شمالی 24 پرگنہ کے گوپال نگر کے س±لکا درگاپور گاو¿ں میں منوجیت بسواس کا گھر ہے۔ وہ بنگاو¿ں سب ڈویڑنل عدالت میں کلرک کے طور پر کام کرتے ہیں۔ 2022 میں انہیں انکم ٹیکس سے متعلق ایک خط موصول ہوا۔ اس سے انہیں معلوم ہوا کہ ایک نجی بینک کی راجارہاٹ شاخ میں ان کے نام پر ایک کمپنی کا اکاونٹ کھولا گیا ہے۔ کمپنی کا نام ’ایم بی ٹریڈکون انڈیا‘ ہے۔
اس کے بعد منوجیت بینک پہنچے اور اس اکاونٹ کے بارے میں معلومات طلب کیں۔ لیکن الزام ہے کہ مینیجر نے انہیں جواب دینے سے انکار کردیا۔ اس کے بعد انہوں نے پولیس سے رجوع کیا۔ معلوم ہوا ہے کہ مذکورہ جعلی اکاونٹ سے تقریباً 270 کروڑ روپے کا لین دین کیا گیا ہے۔
منوجیت کی شکایت کی بنیاد پر پولیس نے تحقیقات شروع کیں۔ حال ہی میں ہگلی سے پولیس نے ملزم کو گرفتار کرلیا۔ اس کے ساتھ ہی پیر کے روز بنگاوں سائبر کرائم تھانے کی پولیس نے بینک مینیجر سمیت مزید ایک شخص کو بھی گرفتار کیا۔ پولیس ذرائع کے مطابق، منگل کے روز گرفتار افراد کو عدالت میں پیش کیا گیا۔ تفتیش کاروں کا دعویٰ ہے کہ کالا دھن سفید کرنے کے مقصد سے ہی مذکورہ جعلی اکاونٹ کھولا گیا تھا۔