Kolkata

کولکاتا کے لوگ سال میں 80گھنٹے کم سوتے ہیں

20/07/26

کولکاتا کے لوگ سال میں 80گھنٹے کم سوتے ہیں صبح سے دن بھر کام کا دباو۔ دفتر سے واپس آ کر تھوڑا سا وقت ملتے ہی ہاتھ میں اسمارٹ فون۔ گردن جھکا کر گھنٹوں ریلس دیکھنے میں وقت گزر جاتا ہے۔ اس کے ساتھ ذہنی دباو¿۔ سب ملا کر رات کو گھڑی کی سوئیاں تیز دوڑتی ہیں مگر آنکھوں میں نیند نہیں آتی۔ جس کی وجہ سے بے خوابی بڑھ رہی ہے۔ تاہم حالیہ سروے کچھ اور کہتا ہے۔ صرف ذہنی دباو¿ اور اسمارٹ فون کا زیادہ استعمال ہی نہیں، بے خوابی کی اصل وجہ موسمیاتی تبدیلی میں چھپی ہے۔ ’کلائمیٹ سینٹرل‘ نے ملک کے ۱۰۷ اور دنیا کے ۱ ہزار ۳۳۸ شہروں کے درجہ حرارت کے اعداد و شمار کا تجزیہ کیا ہے۔ نئی رپورٹ میں ایسی ہی معلومات ملی ہیں، جو واقعی حیران کن ہیں۔ محققین کا دعویٰ ہے کہ رات کا درجہ حرارت مسلسل بڑھ رہا ہے، جس سے بے خوابی بڑھ رہی ہے۔ اس فہرست میں پہلے نمبر پر چنئی ہے، دوسرے ممبئی اور تیسرے نمبر پر کلکتہ ہے۔پہلےکے مقابلے میں رات کا درجہ حرارت کافی بڑھ گیا ہے، جس کی وجہ سے نیند تقریباً دوگنی کم ہوئی ہے۔محققین کے مطابق، کلکتہ میں آلودگی مسلسل بڑھ رہی ہے۔ اس کے علاوہ درخت کم ہونے سے کلکتہ آہستہ آہستہ کنکریٹ کے ڈھیر میں تبدیل ہو گئی ہے، جس سے رات کا درجہ حرارت بڑھ رہا ہے۔ اس کے براہ راست اثر سے کلکتہ کے باشندے سال میں تقریباً ۸۰ گھنٹے کم سوتے ہیں۔ ہاوڑہ، شلی گوڑی، باراک پور، آسانسول-درگاپور اور ہالدیہ کے باشندے سال میں ۷۵ گھنٹے کم سوتے ہیں، جس میں موسمیاتی تبدیلی کی وجہ سے ۵.۶ گھنٹے کی کمی ہو سکتی ہے۔

Source: Admin