Article | Akhbar-e-mashriq

Entertainment

والدین نے سدھو موسےوالا کے چھوٹے بھائی کی تصویر جاری کردی

مشہور پنجابی گلوکار سدھو موسے والا کے والدین نے اپنے چھوٹے بیٹے شبھدیپ سنگھ کی پہلی تصویر جاری کردی۔ فوٹوز اینڈ ویڈیوز شیئرنگ ایپ انسٹاگرام پر شیئر اس تصویر میں ننھے شبھدیپ مسکراہٹ لیے والد بلکار سنگھ کی گود میں بیٹھے ہیں، جبکہ انکی والدہ چرن کور بھی برابر میں موجود ہیں۔ تصویر کے ساتھ کیپشن میں انہوں نے شکر ادا کرتے ہوئے لکھا کہ خدا نے انہیں ایک اور بیٹے سے نوازا۔ دوسری پوسٹ میں انہوں نے ایک ویڈیو بھی شیئر کی جس میں سدھو موسے والا، ان کے والدین اور چھوٹے بھائی کی تصویریں دکھائی گئیں۔ سوشل میڈیا صارفین نے اس پوسٹ کو سراہا اور محبت کا اظہار کیا۔ کچھ نے لکھا کہ ”سدھو واپس آگیا، چھوٹا سدھو اپنے بڑے بھائی جیسا دکھتا ہے“۔ خیال رہے کہ سدھو موسےوالا کی موت کے 22 ماہ بعد انکے والدین کو شبھدیپ سنگھ کی خوشخبری ملی تھی۔

Source: Social Media