اداکارہ اور ڈانسر ملائیکا اروڑا نے اعتراف کیا ہے کہ اُن کے تعلقات ٹرولنگ سے متاثر ہوئے ہیں۔ میڈیا رپورٹس کے مطابق ملائیکا اروڑا نے اعتراف کے ساتھ ہی یہ بھی بتایا کہ وہ اس سے نمٹنے کےلیے کیا طریقہ کار اپناتی ہیں۔ مشہور شخصیات کی زندگی، ان کے رشتوں اور گپ شپ کے بارے میں اکثر لوگ تجسس کا شکار رہتے ہیں، یہ دلچسپی اس وقت مسئلہ بن جاتی ہے جبکہ میڈیا ضرورت سے زیادہ مداخلت کرتا ہے، ان کی آن لائن ٹرولنگ ہوتی ہے۔ اداکارہ و ڈانسر 1997ء میں انٹرٹینمنٹ انڈسٹری سے وابستہ ہیں، ان کی ذاتی زندگی اور ان کے تعلقات اکثر میڈیا کی زینت بنتے ہیں، بعض اوقات ان کی زندگی پر ہونے والی ٹرولنگ اور تنقید گہرا اثر رکھتی ہے۔ اپنے حالیہ انٹرویو میں ملائیکا اروڑا نے بتایا کہ میں نے اس نوعیت کے اقدامات سے نمٹنے کی حکمت عملی تیار کرلی ہے، خود کو مضبوط بنایا جائے، خود کو کنٹرول میں رکھا جائے، کسی کو بھی اپنے آپ کو نیچے گرانے کی اجازت نہ دی جائے یہی چیزیں میرے لیے بہترین ہیں۔ انہوں نے مزید کہا کہ جب بھی ٹرولنگ یا تنقید ہوتی ہے تو وہ اس دوران اپنی زندگی کے مثبت پہلوؤں پر توجہ مرکوز رکھتی ہیں اور خود سے متعلق جاری منفی باتوں سے دور رہتی ہیں۔ ملائیکا اروڑا نے یہ بھی تسلیم کیا کہ مشہور شخصیت ہونے کی وجہ سے میڈیا کی توجہ اور تنقید زندگی کا حصہ ہے، اسی لیے وہ تعلقات سے متعلق خبروں، تنقید اور ٹرولنگ کے شور سے خود کو دور رکھتی ہیں۔ ملائیکا اروڑا کی ارباز خان کے ساتھ شادی شدہ زندگی کا اختتام 2017ء میں ہوا تھا، انہیں اس فیصلے پر اور اس کے بعد ارجن کپور سے تعلقات پر تنقید کا سامنا کرنا پڑا ہے۔
Source: Social Media
تمنا بھاٹیہ سے منی لانڈرنگ کیس میں پوچھ گچھ
'ون ڈائریکشن' کے معروف گلوکار لیام پین ہوٹل کی تیسری منزل سے گرکر ہلاک
گلوکار لیام پین کی موت سے چندگھنٹے قبل بنائی گئی آخری اسنیپ چیٹ ویڈیو وائرل
صومی علی نے لارنس بشنوئی کو زوم کال کی دعوت دے دی
بشنوئی گینگ کا دشمنی ختم کرنے کیلئے سلمان خان سے بھاری رقم کا مطالبہ
سیکیورٹی خدشات، سلمان خان نے دبئی سے 2 کروڑ کی بلٹ پروف گاڑی منگوالی
گلوکار لیام پین کی موت سے چندگھنٹے قبل بنائی گئی آخری اسنیپ چیٹ ویڈیو وائرل
سلمان خان کی دھمکیوں کے باوجود شوٹنگ، 60 سیکیورٹی اہلکار تعینات
سیکیورٹی خدشات، سلمان خان نے دبئی سے 2 کروڑ کی بلٹ پروف گاڑی منگوالی
بشنوئی گینگ کا دشمنی ختم کرنے کیلئے سلمان خان سے بھاری رقم کا مطالبہ