مسلم انسٹیٹیوٹ کے کمپیوٹر روم میں یوم اطفال کے موقع پر ایک تقریب کا اہتمام کیا گیا۔اس موقع پر اعزازی جنرل سیکرٹری نثار احمد، معاون جنرل سیکرٹری ڈاکٹر نعیم انیس، سیکرٹری ایجوکیشن سب کمیٹی 'محمد شمس الصالحین اور مسلم انسٹیٹیوٹ کے ہائر سیکنڈری کوچنگ کے اساتذہ فضل محمد لطیف 'وارث علی اور انصار عالم نے طلباء و طالبات سے خطاب کیا۔ بعد ازاں 11 نومبر 23 کو قومی یوم تعلیم کے موقع پر منعقدہ تقریری مقابلے میں پہلے دوسرے اور تیسرے مقام پانے والے طالب علموں کو انعامات سے نوازا گیا۔ دیگر شرکاء کی حوصلہ افزائی کے لئے انہیں بھی انعامات دیے گئے۔ اب تک منعقد ہونے والے ماہانہ امتحانات میں سب سے زیادہ نمبر حاصل کرنے والے طلباء کو میرٹ پرائز بھی دئیے گئے۔اس کے علاوہ نمایاں نظم و ضبط، قائدانہ صلاحیتوں کا مظاہرہ کرنے اور تقریباً صد فیصد حاضری برقرار رکھنے والے طالبعلموں کو بھی انعامات سے نوازا گیا۔باقی تمام طلباء کو فائل، اسٹیشنری اور جنرل نالج کی کتاب کا تحفہ بھی ملا۔

Source: Mashriq News service