شیلانگ، 27 دسمبر (:میگھالیہ حکومت نے جمعہ کو سابق وزیر اعظم ڈاکٹر منموہن سنگھ کے اعزاز میں سات دن کے سرکاری سوگ کا اعلان کیا ہے۔ قابل ذکر ہے کہ ڈاکٹر منموہن سنگھ کا جمعرات کی رات نئی دہلی کے آل انڈیا انسٹی ٹیوٹ آف میڈیکل سائنسز (ایمس) میں انتقال ہوگیا۔ وزیر اعلیٰ کونراڈ سنگما نے سابق وزیر اعظم منموہن سنگھ کے انتقال پر تعزیت کا اظہار کرتے ہوئے کہا، "ہندستان ہمیشہ ان کے تعاون کی قدر کرے گا، یاد رکھے گا اور ان سے ترغیب حاصل کرے گا۔" انہوں نے کہا، "سابق وزیر اعظم ڈاکٹر منموہن سنگھ جی کے انتقال سے گہرا دکھ ہوا ہے۔ مجھے ایک ممتاز ماہر اقتصادیات، اسکالر اور ایک عاجزانہ پس منظر سے اٹھنے والے رہنما کے طور پر ان کی شاندار وراثت یاد ہے۔ انہیں جدید ہندوستان کی ترقی میں ان کی بے پناہ شراکت کے لیے یاد رکھا جائے گا۔ جنرل ایڈمنسٹریشن ڈیپارٹمنٹ کے سکریٹری سیرل وی ڈارلونگ ڈینگدوہ نے کہا کہ ریاست 26.12.2024 سے 01.01.2025 تک 07 روزہ سرکاری سوگ منائے گی اور اس دوران پوری ریاست میں قومی پرچم سرنگوں رہے گا۔ انہوں نے کہا کہ ریاستی سوگ کے دوران کوئی سرکاری تفریح ​​نہیں ہوگی۔

Source: uni urdu news service