مہالیا میں ایڈن گارڈن میں میگا شو، آگمانی کی تقریب میں وزیراعظم آ سکتے ہیں
ترنمول کو زیر کر کے پہلی بار بنگال پر بی جے پی نے قبضہ کیا ہے۔ سیاسی تبدیلی کے بعد بنگال میں یہ پہلی بار دورگا پوجا ہے۔ اس بار کی اما آگمانی کو شاندار بنانے کے لیے شوبھندو حکومت مصروف عمل ہے۔ ریاستی حکومت کی طرف سے اس بار مہالیا پر ایڈن گارڈنز میں میگا تقریب کا اہتمام کیا جا رہا ہے۔ ذرائع کے مطابق، وزیراعظم نریندر مودی بھی اس میں شرکت کر سکتے ہیں۔
آئندہ 10 اکتوبر کو مہالیا ہے۔ ہاتھ میں ایک ماہ سے کچھ زیادہ وقت ہے۔ ابھی سے تقریب کی تیاریاں شروع ہو گئی ہیں۔ معلوم ہوا ہے کہ محکمہ اطلاعات و ثقافت کی طرف سے اس تقریب سے متعلق کاموں کے لیے ٹینڈر طلب کرنے کا عمل شروع ہو گیا ہے۔ اس تقریب میں کیا ہو سکتا ہے؟ ذرائع کے مطابق، بنگال کی دورگا پوجا کی تاریخ، لوک ثقافت، دھونچی ناچ، چھاو¿ ناچ کے ساتھ ایک پرجوش تقریب ہوگی۔ یقیناً اس تقریب میں ڈھاکی بھی ہوں گے۔
ترنمول کے دور میں ریاست کی متعدد پوجاوں کے ساتھ رہنما اور وزراءمنسلک تھے۔ اس لیے فطری طور پر سیاسی تبدیلی کے بعد پوجا کے مستقبل پر سوالات اٹھنے لگے۔ اگرچہ ریاستی حکومت کی طرف سے بار بار کہا گیا ہے کہ پوجا جیسی ہے، ویسی ہی رہے گی۔ کیونکہ دورگا پوجا کا مطلب صرف خوشی یا جشن میں ڈوبنا نہیں ہے۔ دورگا پوجا کے ساتھ مجسمہ ساز، روشنی کے فنکار، لباس کے تاجر، ڈھاکی، پنڈال بنانے والے، ٹرانسپورٹ ورکرز، ریستوراں کے مالکان اور سیاحت کی صنعت سے وابستہ افراد کی آمدنی وابستہ ہے۔ اس لیے کسی بھی طرح کسی کی روزی روٹی میں خلل نہ پڑے، اس پر ریاستی حکومت کی نظر ہے۔ اسی بات کو مدنظر رکھتے ہوئے ایڈن گارڈنز میں میگا تقریب کا اہتمام کیا گیا ہے۔ اس تقریب کے ذریعے بنگال کی دورگا پوجا کو بین الاقوامی سطح پر پہنچانا ہی شوبھندو حکومت کا مقصد ہے، اس میں کوئی شک نہیں۔تاہم میگا تقریب کا اہتمام کر لینا ہی کافی نہیں، ایڈن کی حفاظت اور سلامتی کے پہلو کا بھی جائزہ لیا جا رہا ہے۔ سب کچھ ٹھیک رہا تو ہی کولکاتا کے مرکز میں اس طرح کی تقریب کا اہتمام کیا جائے گا، ایسی خبر ہے۔