29 ستمبر تک ماو نواز رہنما ’آکاش‘ پولیس حراست میں
عدالت نے ماو نواز کے اعلیٰ رہنما اسیم منڈل عرف ’آکاش‘ کو 29 ستمبر تک پولیس حراست میں بھیجنے کا حکم دیا ہے۔ طویل عرصے سے ریاستی اور مرکزی خفیہ ایجنسیوں کی نظر میں رہنے والے سی پی آئی (ماو نواز) کی مرکزی کمیٹی کے اس رکن کو جمعرات کی صبح مشرقی مدناپور کے پٹاش پور سے گرفتار کیا گیا تھا۔
کولکاتا پولیس کی ایس ٹی ایف (اسپیشل ٹاسک فورس) کے وکیل نے عدالت کو بتایا کہ اسیم منڈل عرف آکاش کے خلاف مغربی بنگال، جھارکھنڈ اور اڑیسہ میں مجموعی طور پر 33 مقدمات درج ہیں۔ اسے گرفتار کرنے کے لیے جھارکھنڈ حکومت نے 1 کروڑ روپے اور اڑیسہ حکومت نے 2.2 کروڑ روپے کے انعام کا اعلان کیا تھا۔ ایس ٹی ایف ذرائع کے مطابق، حال ہی میں گرفتار کی گئی ماو¿ نواز کی ایک اہم رہنما ’بیلادی‘ سے ہی آکاش کے بارے میں اہم معلومات حاصل ہوئی تھیں۔