ماجد انصاری گرفتار، امہرسٹ اسٹریٹ تھانے میں کنال گھوش، باہر بی جے پی کا احتجاج! علاقے میں کشیدگی
پولیس نے ترنمول کانگریس کے رہنماماجد انصاری کو گرفتار کر لیا ہے۔ جمعہ کو امہرسٹ اسٹریٹ تھانے کی پولیس نے انہیں حراست میں لیا۔ بتایا جا رہا ہے کہ انصاری کو 2023 کے ایک پرانے مقدمے میں گرفتار کیا گیا ہے۔ تاہم، گرفتار رہنما کا دعویٰ ہے کہ بی جے پی کے خلاف آواز اٹھانے کی وجہ سے انہیں گرفتار کیا گیا ہے۔
اس واقعے کے خلاف احتجاج کرتے ہوئے ترنمول کانگریس کے بیلیا گھاٹا کے ایم ایل اے کنال گھوش تھانے کے سامنے دھرنے پر بیٹھ گئے۔ ان کا دعویٰ ہے کہ چورباگان واقعے پر سوال اٹھانے والوں، خصوصاً ترنمول کے رہنماو¿ں اور کارکنوں کو نشانہ بنا کر گرفتار کیا جا رہا ہے۔دوسری جانب، بی جے پی کے کارکنوں اور حامیوں نے بھی جوابی احتجاج کیا۔ ان کا الزام ہے کہ کنال گھوش ملک دشمن عناصر کو بچانے کے لیے یہاں آئے ہیں۔ انہوں نے مطالبہ کیا کہ کنال گھوش کو تھانے سے ہٹایا جائے۔اس واقعے کے بعد علاقے میں شدید کشیدگی پھیل گئی ہے۔