اطالیہ کے وزیر ثقافت Gennaro Sangiuliano ایک سوشل میڈیا انفلوئنسر خاتون کے ساتھ تعلقات کے سبب اپنے عہدے سے مستعفی ہو گئے ہیں۔ اکتالیس سالہ انفلوئنسر کا نام ماریا روزاریا ہے۔ جینارو نے ملک کی وزیر اعظم جورجیا میلونی کو بھیجے گئے خط میں لکھا کہ "ان تکلیف دہ ایام کے دوران میں طویل اور سنجیدہ غور کے بعد میں نے بالآخر اپنے عہدے سے مستعفی ہونے کا فیصلہ کیا ہے"۔ جینارو خاتون وزیر اعظم کی حکومت میں مستعفی ہونے والے پہلے وزیر ہیں۔ مستعفی وزیر کے مطابق وہ اپنی عزت کے دفاع اور اپنی شفافیت ثابت کرنے کے لیے پبلک پراسیکیوٹر کے دفتر میں پٹیشن داخل کریں گے۔ جینارو نے اعتراف کیا ہے کہ رواں سال مئی میں ماریا کے ساتھ ان کا "جذباتی تعلق" بن گیا تھا تاہم انھوں نے جولائی کے اواخر اور اگست کے اوائل میں اس پر روک لگا دی۔ ماریا نے اگست کے اواخر میں انسٹاگرام پر اپنی پوسٹ میں دعویٰ کیا تھا کہ اسے وزیر ثقافت کا مشیر مقرر کیا گیا ہے تاہم جینارو نے فوری طور پر اس کی تردید کر دی۔ جواب میں ماریا نے وزیر ثقافت جینارو کے ساتھ بہت سی تصاویر پوسٹ کر دیں جو مختلف عوامی تقریبات کے موقع پر لی گئی تھیں۔ علاوہ ازیں ماریا نے ای میلز اور سفری ٹکٹ بھی ظاہر کر دیے۔ بدھ کے روز ایک انٹرویو میں مستعفی وزیر جینارو نے دستاویزی ثبوت دکھا کر باور کرایا کہ انھوں نے ماریا کے اپنے ساتھ تمام اسفار کے اخراجات ذاتی طور پر ادا کیے اور اس سلسلے میں ریاست کا ایک یورو بھی خرچ نہیں کیا گیا۔ جینارو کا کہنا تھا کہ "پہلی شخصیت جس سے مجھے معذرت کرنی چاہیے وہ ایک غیر معمولی شخصیت ہے اور وہ میری اہلیہ ہیں"۔
Source: social media
ہیٹی میں ایندھن کے ٹرک کے دھماکے میں 24 افراد ہلاک
سونے نے ریکارڈ توڑ دیا، قیمت اب تک کی بلند ترین سطح پر آگئی
امریکا کا بنگلا دیش کیلئے 202 ملین ڈالرز امداد کا اعلان
طوفان یاگی کی تباہ کاریاں، 113 افراد ہلاک، 64 لاپتہ
امریکی سینیٹر نےایرانی جوہری ہتھیاراور11ستمبر کے حملوں کےدوبارہ وقوع سے خبردار کر دیا
چاقو کے وار سے اسرائیل کا سرحدی اہلکار زخمی، مبینہ حملہ آور کو مار دیا گیا
چین میں مانگ بڑھنے سے پاکستانی گدھوں کی قیمتوں میں اضافہ
بچوں کی نازیبا تصاویر کا کیس، براڈکاسٹر ہیو ایڈورڈ کو 6 ماہ معطلی کی سزا
ایرانی صدر مسعود پزشکیان نے سعودی ولی عہد محمد بن سلمان کو دورہ ایران کی دعوت دے دی
اسرائیل پر کامیاب میزائل حملہ، یحییٰ سنوار کی حوثی گروپ کو مبارک باد