ڈالر کی کمزوری اور اس ہفتے فیڈرل ریزرو (امریکی مرکزی بینک) کی جانب سے شرح سود میں توقع سے زیادہ کٹوتی کی توقعات کی وجہ سے پیر کو سونے کی قیمتیں اب تک کی بلند ترین سطح پر پہنچ گئیں۔ جی ایم ٹی کے مطابق 7 بج کر 22 منٹ تر فوری لین دین میں سونا 0.3 فیصد بڑھ کر 2580.83 ڈالر فی اونس ہوگیا۔ سیشن کے شروع میں اس کی قیمت 2589.59 ڈالر اونس کی بلند ترین سطح پر پہنچی۔ رائٹرز کے مطابق امریکی سونے کے سودے 0.1 فیصد گر کر 2,608.90 ڈالر فی اونس رہے۔ چین، جاپان، انڈونیشیا، ملائیشیا اور جنوبی کوریا میں تعطیلات کی وجہ سے تجارت کمزور ہوئی۔ کے سی ایم ٹریڈ کے چیف مارکیٹ تجزیہ کار ٹم واٹر نے کہا ہے کہ ڈالر 0.4 فیصد گر گیا۔ جس سے دیگر کرنسی رکھنے والوں کے لیے سونا کم مہنگا ہو گا۔ فیڈرل ریزرو کی جانب سے اس ہفتے شرح سود میں 50 بیسس پوائنٹس کی کمی کے امکان نے سونے اور ڈالر کو مخالف سمتوں میں دھکیل دیا ہے۔ انہوں نے مزید کہا کہ حالات سونے کے لیے سازگار ہیں اور اس کی قیمت میں مزید اضافے کا امکان ہے۔ اگر ڈالر کی قیمت گرتی رہی تو سال کے آخر تک سونا 2,700 ڈالر فی اونس تک پہنچ سکتا ہے۔ اس ہفتے تمام نظریں امریکی مرکزی بینک پر ہیں۔ مانیٹری پالیسی میٹنگ میں شرح سود میں کمی کے سائز کے بارے میں قیاس آرائیاں بڑھ رہی ہیں۔ میٹنگ 17 اور 18 ستمبر کو ہوگی۔ بینک آف انگلینڈ اور بینک آف جاپان بھی ہفتے کے آخر میں اپنی مانیٹری پالیسی کے فیصلوں کا اعلان کریں گے۔ کم شرح سود اور جغرافیائی سیاسی انتشار غیر پیداواری سونا رکھنے کے مواقع کی لاگت کو کم کرنے میں معاون ہے۔ جہاں تک دیگر قیمتی دھاتوں کا تعلق ہے چاندی سپاٹ لین دین میں 0.6 فیصد اضافے کے ساتھ 30.85 ڈالر فی اونس ہوگئی چاندی سیشن کے آغاز میں دو ماہ کی بلند ترین سطح پر پہنچ گئی۔ پلاٹینم 0.7 فیصد گر کر 988.46 ڈالر فی اونس رہا۔ پیلیڈیم 0.2 فیصد بڑھ کر 1,070.25 ڈالر فی اونس ہوگیا۔

Source: social media