انٹرنیشنل اٹامک انرجی ایجنسی (آئی اے ای اے) نے ایران کے افزودہ یورینیم سے متعلق معلومات کے فقدان پر اظہار تشویش کیا ہے۔
ویانا سے خبر ایجنسی کے مطابق آئی اے ای اے نے ایران سے متعلق خفیہ سہ ماہی رپورٹ رکن ممالک کو ارسال کر دی، جس میں کہا گیا ہے کہ ایرانی افزودہ یورینیم سے متعلق معلومات کا فقدان اور تنصیبات تک عدم رسائی تشویشناک ہے۔
رپورٹ کے مطابق ایرانی جوہری معلومات تک رسائی میں تعطل کو ہنگامی بنیادوں پر حل کرنے کی ضرورت ہے۔
آئی اے ای اے رپورٹ کے مطابق بوشہر پاور پلانٹ کے علاوہ دیگر تنصیبات تک رسائی نہیں دی گئی۔ ایرانی جوہری تنصیبات اور جوہری مواد کی صورتحال کی کوئی معلومات موصول نہیں ہوئیں، ایران نے اصفہان یورینیم افزودگی پلانٹ کا معائنہ کرنے کی اجازت نہیں دی۔
رپورٹ کے مطابق اصفہان پلانٹ کے ڈیزائن سے متعلق معلومات کا جائزہ لینے کی اجازت نہیں دی گئی۔
آئی اے ای اے رپورٹ کے مطابق ایرانی جوہری پروگرام کی سرگرمیوں کے پرامن رہنے کا نتیجہ اخد کرنے سے قاصر ہیں، آئی اے ای اے کے لیے مزید تاخیر کے بغیر ایران میں تصدیقی سرگرمیاں انجام دینا ناگزیر ہے۔
سربراہ آئی اے ای اے رافیل گریسی نے ایران سے تعمیری تعاون کرنے کا مطالبہ کیا ہے۔
آئی اے ای اے رپورٹ کے مطابق عالمی ایجسنی اصفہان پلانٹ کے درست محل وقوع اور اس میں موجود جوہری مواد سے لاعلم ہے۔
رافیل گریسی نے کہا کہ ایران جوہری معاملات سے متعلق سیف گارڈ ایشوز کے حل کے لیے تعاون سے گریزاں ہے۔
انٹرنیشنل اٹامک انرجی ایجنسی (آئی اے ای اے) نے ایران کے افزودہ یورینیم سے متعلق معلومات کے فقدان پر اظہار تشویش کیا ہے۔...
Source: Admin
