Kolkata

بنگال میں تاریخی تبدیلی: ریڈ روڈ پر گونجا 'بندے ماترم'، وزیراعلیٰ شوبھندو ادھیکاری نے لہرایا ترنگا

15/08/26

"بدلتے بنگال" کی ایک نئی تصویر پیش کرتے ہوئے کولکاتا کے تاریخی ریڈ روڈ پر یومِ آزادی کی تقریب کے دوران پہلی بار 'بندے ماترم' کی گونج اٹھی۔ اس تاریخی موقع پر ریاست کے وزیراعلیٰ شوبھندو ادھیکاری نے نیتا جی سبھاش چندر بوس کے مجسمے پر پھول چڑھا کر خراجِ عقیدت پیش کیا اور اس کے بعد قومی پرچم لہرایا۔

پرچم کشائی سے قبل وزیراعلیٰ نے ایک ویڈیو پیغام کے ذریعے تمام اہلـ وطن اور ریاست کے عوام کو یومِ آزادی کی مبارکباد دی۔ تقریب کے دوران اپنی خدمات میں نمایاں کارکردگی دکھانے والے 14 آئی پی ایس افسران کو "چیف منسٹرز میڈل" سے نوازا گیا۔
تاریخی قدم: ریڈ روڈ پر پریڈ کی تاریخ میں پہلی بار کمانڈر اور اسسٹنٹ کمانڈر دونوں عہدوں کی قیادت خواتین نے کی۔

ٹیبلو کی نمائش: پرچم کشائی اور پریڈ کے بعد کل 12 دلکش ٹیبلو پیش کیے گئے، جن میں سب سے پہلے شیام پرساد مکھرجی کی یاد میں تیار کردہ ٹیبلو شامل تھا۔ اس کے بعد بالترتیب انّامرت اسکیم، کنیا رتنا ، انّاپورنا اسکیم، آیوشمان آروگیہ مندر، درگا شکتی واہنی، کولکاتا پولیس اور کولکاتا میونسپل کارپوریشن کے ٹیبلو پیش کیے گئے۔

Source: Admin