واشنگٹن: امریکی ایف بی آئی نے غیر ملکی حکومت کو خفیہ معلومات دینے والے امریکی سرکاری ملازم کو رنگے ہاتھوں پکڑ لیا۔ امریکی محکمہ انصاف کے مطابق دفاعی انٹیلی جنس ایجنسی کے ایک انفارمیشن ٹیکنالوجی ماہر کو غیر ملکی حکومت کے نمائندے کو خفیہ معلومات منتقل کرنے کے الزام میں گرفتار کیا گیا ہے۔ امریکی محکمہ انصاف نےملزم کی شناخت جاری کردی، ملزم امریکی ڈیفنس انٹیلی جنس ایجنسی میں آئی ٹی کے شعبے میں کام کرتا تھا، ملزم نیتھن ولاس نے 2019 میں ڈیفنس انٹیلی جنس ایجنسی میں ملازمت شروع کی۔ امریکی محکمہ انصاف کے مطابق نیتھن ڈی آئی اے کے تھریٹ ڈویژن میں ذمہ داریاں انجام دے رہا تھا، ایف بی آئی کواطلاع ملی کہ سرکاری ملازم نے غیرملکی حکومت کو خفیہ دستاویزات دینے کی پیشکش کی ہے، نیتھن نے پیغام میں کہا وہ ٹرمپ انتظامیہ کی پالیسی سے متفق نہیں اس لئے وہ خفیہ معلومات مہیا کررہا ہے۔ رپورٹ کے مطابق ایف بی آئی کے ایجنٹ نے غیر ملکی بن کر نیتھن سے خفیہ دستاویزات حاصل کیں، ایف بی آئی ایجنٹ کو ملزم نے غیر ملکی حکومت کا نمائندہ سمجھ کر خفیہ دستاویزات حوالے کیں تھی۔ امریکی محکمہ نے بتایا کہ نیتھن لاچ نے یوایس بی میں خفیہ دستاویزات جمع کرکے ایف بی آئی ایجنٹ کے حوالے کی، امریکی سرکاری ملازم نے مزید خفیہ دستاویزات بھی حوالے کرنے کی پیشکش کی اور بدلے میں غیر ملکی حکومت سے شہریت کا مطالبہ کیا۔ ملزم نے کہا وہ ٹرمپ انتظامیہ سے تنگ ہے اور امریکا میں نہیں رہنا چاہتا، تاہم ایف بی آئی نے کارروائی کرتے ہوئے سرکاری ملازم کو خفیہ دستاویزات حوالے کرتے رنگے ہاتھوں گرفتار کر لیا ہے اب ملزم کو کل ورجینیا کیوں عدالت میں پیش کیا جائے گا۔

Source: social media