فیفا ورلڈ کپ کا بڑا اپ سیٹ: 4 بار کی عالمی چیمپئن جرمنی باہر، پیراگوئے پری کوارٹر فائنل میں پہنچ گئی

بوسٹن (30 جون 2026): فیفا ورلڈ کپ راؤنڈ آف 32 میں پیراگوئے نے بڑا اپ سیٹ کرتے ہوئے 4 بار کی عالمی چیمپئن جرمنی کو ٹورنامنٹ سے باہر کر دیا۔ فیفا ورلڈ کپ میں ناک آؤٹ مرحلے راؤنڈ آف 32 میں سنسنی خیز اور دلچسپ مقابلے جاری ہیں۔ بوسٹن میں بھی ایک سنسنی خیز میچ بڑے اپ سیٹ کے ساتھ ختم ہوا، جس میں پیراگوئے نے چار بار کی عالمی چیمپئن جرمنی کو ہرا دیا۔ میچ مقررہ اور اضافی وقت کے بعد بھی ایک، ایک سے برابر رہا اور فیصلہ پنالٹی شوٹ آؤٹ پر ہوا، جس میں پیراگوئے نے تین گول کر کے سابق عالمی چیمپئن جرمنی کو 3-4 سے ہرا کر پہلی بار پری کوارٹر فائنل کے لیے کوالیفائی کر لیا جب کہ جرمنی کی ٹیم ٹورنامنٹ سے باہر ہو گئی۔ جرمنی کی جانب سے آرسنل کے فارورڈ کائی ہاورٹز اور نیوکاسل یونائیٹڈ کے نک وولٹیماڈے نے پنالٹیز کو ضائع کیا۔ پیراگوئے نے ابتدائی دو پنالٹیز ضائع کیں۔ انتونیو سانابریا کی پنالٹی ہدف سے باہر چلی گئی، جبکہ فابیان بالبوئینا کی کوشش جرمن گول کیپر مینوئل نوئر نے ناکام بنا دی۔ تاہم سڈن ڈیتھ میں جرمنی کے جوناتھن تاہ کی پنالٹی کراس بار کے اوپر سے نکل گئی جس کے بعد پیراگوئے کے جوزے کینالے نے فیصلہ کن پنالٹی اسکور کر کے اپنی ٹیم کو 4-3 سے یادگار فتح دلا دی۔ اس تاریخی کامیابی کے بعد پیراگوئے کے کھلاڑیوں اور شائقین نے میدان میں بھرپور جشن منایا۔ اس سے قبل پہلے ہاف کے 42 ویں منٹ میں سابق پریمیئر لیگ کلب برائٹن اور اِپسوچ ٹاؤن سے کھیلنے والے جولیو اینسیسو نے ہیڈر کے ذریعے پیراگوئے کو برتری دلائی۔

Source: Social Media