پوجا کے نام پر مالی گھپلہ! اندرانیل کی اہلیہ کی صرف ایک زمین کی قیمت ہی 2 کروڑ سے زیادہ،
ناقدین انہیں ممتا بنرجی کا ’تان سین‘ کہتے ہیں۔ تقریباً ہر تقریب میں انہیں اس وقت کی وزیر اعلیٰ کے ساتھ ہی دیکھا جاتا تھا۔ ممتا کی درخواست پر وہ دو کڑیاں گا کر بھی سناتے تھے۔ س±ر کی غلطی پر ڈانٹ بھی کھا چکے ہیں۔ گزشتہ چند دنوں سے یونیسکو کے نام کا استعمال کرکے کروڑوں روپے ہڑپ کرنے کے الزام میں اپنی اہلیہ کے ساتھ اندرا نیل سین بھی زیرِ بحث ہیں۔ ای ڈی نے ان کے گھر پر تلاشی مہم چلائی۔ آج سابق وزیر ای ڈی کے دفتر میں حاضر ہوئے۔ اندرا نیل اور مدھوچھندا کتنی جائیداد کے مالک ہیں؟
حلف نامے میں دی گئی معلومات کے مطابق، انتخابات کے وقت ان کے پاس 2 فکسڈ ڈپازٹ تھے۔ ایک میں 1 لاکھ 41 ہزار 614 روپے اور دوسرے میں 1 لاکھ 41 ہزار 404 روپے تھے۔ سابق وزیر کے کل 6 سیونگ اکاو¿نٹس ہیں۔ شیئر بازار میں بھی ان کی کافی سرمایہ کاری ہے۔ سب سے زیادہ سرمایہ کاری کی رقم 44 لاکھ روپے ہے۔ 2008 میں انہوں نے 47 ہزار روپے میں ایک گاڑی خریدی تھی۔
دستاویزات کے مطابق، 2016 میں انہوں نے ایک اور گاڑی خریدی، جس کی قیمت 2 لاکھ 38 ہزار 685 روپے تھی۔ تمام چیزوں کو ملا کر ان کی کل منقولہ جائیداد کی مالیت 2 کروڑ روپے سے زیادہ ہے۔ ان کی غیر منقولہ جائیداد بھی کافی ہے۔ سابق وزیر کی گڑیا ہاٹ اور کَسبا میں دو فلیٹ اور دو کمرشل عمارتوں میں حصے داری ہے۔ کافی عرصہ پہلے کم قیمت پر خریدی گئی یہ جائیدادیں اب کروڑوں روپے کی مالیت تک پہنچ چکی ہیں۔
ایک کمرشل عمارت میں ان کے حصے کی قیمت ہی 2 کروڑ روپے سے زیادہ ہے۔ ایک فلیٹ کی قیمت 55 لاکھ روپے ہے۔ اس طرح ان کی کل غیر منقولہ جائیداد کی قیمت بڑھ کر ساڑھے 4 کروڑ روپے سے زیادہ ہو گئی ہے۔ تاہم یہ حلف نامہ 2021 کے انتخابات سے قبل کا ہے۔ یعنی گزشتہ چند برسوں میں معمول کے مطابق ان کی جائیداد کی مقدار میں مزید اضافہ ہوا ہوگا۔
تاہم صرف وزیر ہی نہیں، ان کی اہلیہ بھی بڑی جائیداد کی مالک ہیں۔ حلف نامے کے مطابق، وزیر کی اہلیہ مدھوچھندا سین کے کل 11 بینک اکاو¿نٹس ہیں۔ ان میں سے ایک میں 10 لاکھ روپے سے زیادہ اور ایک میں 7 لاکھ روپے سے زیادہ ہیں۔ دیگر اکاو¿نٹس میں بھی لاکھوں روپے موجود ہیں۔ان کی کئی مقامات پر سرمایہ کاری بھی ہے۔ سنگور میں مدھوچھندا کی ایک زمین ہے، جس کی مارکیٹ ویلیو 2 کروڑ 38 لاکھ 61 ہزار 150 روپے ہے۔