باروئی پور میں دھماکے سے مکان تباہ، کھڑکیاں 100 میٹر دور جا گریں،
ترنمول کانگریس کے ایک رہنما کے گھر میں زبردست دھماکہ ہوا۔ دھماکہ اتنا شدید تھا کہ مکان کا ایک حصہ مکمل طور پر تباہ ہوگیا۔ مکان کے ریت اور سیمنٹ سے بنے ستون بھی ٹوٹ کر ٹکڑے ٹکڑے ہوگئے۔ مکان سے تقریباً 100 میٹر دور ٹوٹی ہوئی کھڑکیاں اور دروازے کے حصے جا گرے۔
یہ سنسنی خیز واقعہ جنوبی 24 پرگنہ کے باروئی پور میں پیش آیا۔ دھماکے کی شدت سے پورا علاقہ لرز اٹھا۔ دھماکہ کس وجہ سے ہوا؟ کیا مکان میں کوئی دھماکہ خیز مواد رکھا گیا تھا؟ یا پھر اس کے پیچھے کوئی اور وجہ ہے؟ پولیس نے واقعے کی تحقیقات شروع کردی ہیں۔ابتدائی طور پر دھماکے میں ایک شخص کے زخمی ہونے کی اطلاع ملی ہے۔