Article | Akhbar-e-mashriq

National

دہلی اسمبلی انتخاب: ووٹنگ سے ایک روز قبل وزیر اعلیٰ آتشی کا پرسنل اسسٹنٹ 15 لاکھ روپے نقد کے ساتھ گرفتار

دہلی میں نئی حکومت کے لیے 5 فروری کو ووٹنگ ہونی ہے، اور اس سے ٹھیک ایک دن پہلے وزیر اعلیٰ آتشی کا پرسنل اسسٹنٹ لاکھوں روپے نقد کے ساتھ گرفتار ہوا ہے۔ ہندی نیوز پورٹل ’ٹی وی 9 ہندی ڈاٹ کام‘ کے مطابق وزیر اعلیٰ کے پی اے پنکج کو منگل کے روز 15 لاکھ روپے نقد کے ساتھ گریکھنڈ نگر میں پکڑا گیا ہے۔ اس خبر نے عآپ میں ایک کھلبلی پیدا کر دی ہے۔ حالانکہ اس بارے میں ابھی تفصیل سامنے نہیں آئی ہے، لیکن یہ انتخابی ضابطہ اخلاق کی خلاف ورزی کا معاملہ معلوم پڑ رہا ہے۔ عآپ کے لیے ایک بری خبر یہ بھی سامنے آئی ہے کہ پارٹی کے قومی کنوینر اور سابق وزیر اعلیٰ اروند کیجریوال کے خلاف ایف آئی آر درج کی گئی ہے۔ یعنی ووٹنگ سے ٹھیک پہلے عآپ کو ’ڈبل جھٹکا‘ لگا ہے۔ بتایا جا رہا ہے کہ شاہ آباد کے رہنے والے ایک شخص جگموہن منچندا کی شکایت پر کیجریوال کے خلاف بی این ایس کی دفعہ 192، (1)196، (1)197، 248(اے) اور 299 کے تحت ایف آئی آر درج ہوئی۔ معاملہ کیجریوال کے اس بیان سے جڑا ہوا ہے جس میں انھوں نے ہریانہ حکومت پر جمنا کے پانی میں زہر ملانے کا الزام عائد کیا تھا۔

Source: social media