صدر ڈونالڈ ٹرمپ کے احکامات کے بعد امریکہ نے غیر قانونی تارکین وطن کو نکالنا شروع کر دیا ہے۔ ایک امریکی فوجی طیارہ تارکین وطن کو لے کر امریکہ سے ہندستان روانہ ہوا۔ نام ظاہر نہ کرنے کی شرط پر ایک امریکی اہلکار نے یہ جانکاری دی ہے۔ خبر رساں ادارے روئٹرز نے ایک امریکی اہلکار کے حوالے سے بتایا ہے کہ C-17 فوجی طیارہ تارکین وطن کے ساتھ روانہ ہو گیا ہے۔ اہلکار نے یہ بھی کہا کہ یہ طیارہ کم از کم 24 گھنٹے سے پہلے نہیں آئے گا۔ ٹرمپ امیگریشن پر بہت سخت موقف اختیار کر رہے ہیں، یہ ان کے بڑے انتخابی وعدوں میں سے ایک ہے۔ اب تک امریکہ مہاجرین کو لے جانے والے چھ طیارے لاطینی امریکہ بھیج چکا ہے۔ ان میں سے صرف چار طیارے گوئٹے مالا میں اترنے میں کامیاب ہوئے۔یا درہے کہ ٹرمپ نے گزشتہ ماہ کہا تھا کہ تاریخ میں پہلی بار، ہم غیر قانونی تارکین وطن کا سراغ لگا رہے ہیں، انہیں فوجی طیاروں میں لوڈ کر رہے ہیں، اور انہیں واپس بھیج رہے ہیں جہاں سے وہ آئے تھے۔ وہیں دوسری جانب امریکی صدر ڈونالڈ ٹرمپ نے وزیر اعظم مودی کے ساتھ اپنی بات چیت کے بعد کہا تھا کہ جب امریکہ سے غیر قانونی ہندستانی تارکین وطن کو واپس لانے کی بات آتی ہے تو وزیر اعظم “وہ کریں گے جو صحیح ہے”۔ بلومبرگ نیوز نے رپورٹ کیا ہےکہ ہندستان اور امریکہ نے تقریباً 18,000 ہندستانی تارکین وطن کی شناخت کی ہے جو غیر قانونی طور پر امریکہ میں ہیں۔ امریکہ کی طرف سے جاری کردہ زیادہ تر H-1B ویزا ہندستانی لوگوں کو دیئے جاتے ہیں۔ ٹرمپ نے اپنی انتخابی مہم کے دوران یہ بھی کہا تھا کہ جب میں دوبارہ منتخب ہوجاؤں گا تو ہم امریکی تاریخ کی سب سے بڑی ملک بدری مہم شروع کریں گے۔

Source: social media