Kolkata

عدالت نے ابھیشیک کو علاج کےلئے امریکہ جانے کی اجازت نہیں دی

20/07/26

عدالت نے ابھیشیک کو علاج کےلئے امریکہ جانے کی اجازت نہیں دی ترنمول کانگریس کے ایم پی ابھیشیک بنرجی کو ایک اور بڑا قانونی جھٹکا لگا ہے۔ کلکتہ ہائی کورٹ نے انہیں بیرون ملک علاج کے لیے جانے کی اجازت نہیں دی۔ پیر کو جسٹس سو¿گت بھٹاچارجی کی بنچ نے صاف کہہ دیا کہ اگرچہ قانونی حفاظت کی میعاد بڑھا دی گئی ہے، لیکن ابھیشیک بنرجی ابھی بیرون ملک نہیں جا سکتے۔ جسٹس نے انہیں ایس ایس کے ایم ہسپتال میں علاج کرانے کا مشورہ دیا۔ اسمبلی انتخابات کی مہم کے دوران ‘کالی گھاٹ’ میں ترنمول کے قومی جنرل سیکرٹری نے بی جے پی کو ‘ڈی جے’ بجانے کی دھمکی دی تھی، اس تبصرے سے متعلق مقدمے کے تناظر میں آج ہائی کورٹ نے یہ بات کہی۔ پیر کو ابھیشیک کے ‘ڈی جے’ تبصرے کے مقدمے کی سماعت جسٹس سو¿گت بھٹاچارجی کی عدالت میں ہوئی تو ان کے وکیل نے قانونی حفاظت کی میعاد بڑھانے کا مطالبہ کیا۔ اس درخواست کو قبول کرتے ہوئے میعاد آئندہ 6 اکتوبر تک بڑھا دی گئی۔ لیکن ہائی کورٹ نے شرط عائد کر دی۔ ابھیشیک بنرجی کو آنکھ کے علاج کے لیے 29 جولائی کو امریکہ جانا تھا، لیکن جسٹس نے اس درخواست کو منظور نہیں کیا۔ اس سلسلے میں عدالت نے سوال کیا کہ آنکھ کے علاج کے لیے بیرون ملک ہی کیوں جانا ضروری ہے؟ کلکتہ میں آنکھ کے علاج کے لیے متعدد ہسپتال موجود ہیں۔ وہ ایس ایس کے ایم ہسپتال میں ہی آنکھ کا علاج کرا سکتے ہیں۔ جسٹس نے یہ بھی کہا کہ ضرورت پڑنے پر ایس ایس کے ایم ہسپتال میں ابھیشیک کے علاج کے لیے میڈیکل بورڈ تشکیل دینے کا حکم دیا جائے گا۔ ان کے اس تبصرے کی وکیل آیون بھٹاچارجی اور سبھی ساچی بنرجی نے مخالفت کی۔

Source: Admin