Kolkata

کوچ بہار سرحد پر بی ایس ایف کے جوان ڈرون سے نگرانی کر رہے ہیں

20/07/26

کوچ بہار سرحد پر بی ایس ایف کے جوان ڈرون سے نگرانی کر رہے ہیں برسات کے چند مہینوں میں پھول کر اٹھنے والی ندیاں گویا اسمگلروں اور دراندازوں کے لیے اضافی سہولت فراہم کرتی ہیں! بی ایس ایف کے لیے ندی کی وجہ سے عملی طور پر منقطع اس علاقے میں نگرانی کرنا انتہائی مشکل ہو جاتا ہے! خاص طور پر دنہاٹہ ذیلی ضلع کے گیتالداہ گاو¿ں پنچایت کے جاریدھارلا اور دریبس دو گاو¿ں میں اس قسم کی صورت حال دیکھنے کو ملتی ہے۔ جغرافیائی طور پر یہ دو گاو¿ں پنچایتیں ایک طرف دھرلا ندی کی وجہ سے منقطع ہو جاتی ہیں، جبکہ دوسری طرف بنگلہ دیش کی کھلی سرحد ہے۔ چنانچہ چند سال پہلے تک وہاں اسمگلروں اور دراندازوں کا راج تھا، مگر اب صورتحال کافی بدل گئی ہے۔ ندی کے اس پار بی ایس ایف نے کیمپ بنایا ہے۔ تاہم جب سیلاب کی صورت حال پیدا ہوتی ہے تو پیدل بی ایس ایف کے لیے نگرانی کرنا عملی طور پر ناممکن ہو جاتا ہے۔ ندی کے ان علاقوں میں اب بی ایس ایف ڈرون کیمرے کے ذریعے نگرانی شروع کر دی ہے۔ خاص طور پر بی ایس ایف کی ۳ اور ۱۴ بٹالین کی طرف سے یہ نگرانی کا کام پہلے ہی شروع کر دیا گیا ہے۔ ڈرون کیمرے کا استعمال کرتے ہوئے نگرانی کی جا سکتی ہے، اس لیے پیغام جاری کیا گیا ہے۔ اس کے مطابق کام عملی طور پر شروع ہو چکا ہے۔ ڈرون کیمرے کے استعمال سے اسمگلروں کی شناخت یا دراندازی روکنے میں خاصی مدد مل رہی ہے، جیسا کہ بی ایس ایف جوانوں کا دعویٰ ہے۔

Source: Admin