رشوت لیتے ہوئے رنگے ہاتھوںضلع پریشد کے سب اسسٹنٹ انجینئر کی گرفتار
رشوت لیتے ہوئے ہگلی ضلع پریشد کے ایک سب اسسٹنٹ انجینئر کو رنگے ہاتھوں گرفتار کر لیا گیا۔ مغربی بنگال پولیس کی اینٹی کرپشن برانچ (ACB) کے افسران نے انہیں گرفتار کیا۔ معاملے کی تفتیش شروع کر دی گئی ہے۔
الزام ہے کہ علاقے میں سرکاری کاموں کے ٹھیکے دلانے کے لیے سب اسسٹنٹ انجینئر سمن داس ٹھیکیداروں سے رقم طلب کرتے تھے۔ حال ہی میں انہوں نے ہگلی کے پولبا کے ایک ٹھیکیدار سے بھی رشوت طلب کی تھی۔ مکترم گھوش نامی اس ٹھیکیدار نے اینٹی کرپشن برانچ سے رابطہ کیا۔
ٹھیکیدار نے بتایا کہ اسے ایک کام کے عوض 2 لاکھ 6 ہزار روپے ملنے تھے۔ رقم حاصل کرنے کے لیے جانے پر سب اسسٹنٹ انجینئر نے اس میں اپنا حصہ مانگا، لیکن ٹھیکیدار اس پر راضی نہیں ہوا۔
ملزم کو رنگے ہاتھوں پکڑنے کے لیے اینٹی کرپشن برانچ کے افسران نے جال بچھایا۔ ان کی ہدایت کے مطابق منگل کو ٹھیکیدار 20 ہزار روپے لے کر ہگلی ضلع پریشد میں سب اسسٹنٹ انجینئر کے دفتر میں داخل ہوا۔ سمن اس جال میں پھنس گئے۔ جیسے ہی انہوں نے رقم وصول کی، اینٹی کرپشن برانچ کے افسران وہاں پہنچ گئے۔
پولیس کی ہدایت پر شکایت کنندہ نے نوٹوں پر ایک خصوصی کیمیکل لگا رکھا تھا۔ رشوت کی رقم وصول کرنے کا ثبوت حاصل کرنے کے لیے سمن سے ہاتھ دھونے کو کہا گیا۔ انہوں نے ہدایت کے مطابق ہاتھ دھوئے تو ان کے ہاتھوں سے جامنی رنگ نکلنے لگا۔
اطلاع ملتے ہی چنچوڑہ تھانے کے آئی سی اتم شرما سمیت دیگر پولیس افسران ضلع پریشد کے دفتر پہنچے۔ طویل پوچھ گچھ کے بعد انجینئر کو گرفتار کرکے تھانے لے جایا گیا۔