ممبئی 30 اکتوبر : امریکی صدارتی انتخابات کی غیر یقینی صورتحال کو لے کر عالمی منڈی میں گراوٹ کے دباؤ میں مقامی سطح پر کمپنیوں کے کمزور سہ ماہی نتائج سے انفوسس، آئی سی آئی سی آئی بینک، ایس بی آئی، این ٹی پی سی اور ٹاٹا اسٹیل سمیت 19 بڑی کمپنیوں میں فروخت کی وجہ سے اسٹاک مارکیٹ گزشتہ دو دنوں کی مسلسل تیزی گنوا کر آج گرکر بندہوا۔ بی ایس ای کا 30 حصص کا حساس انڈیکس سینسیکس 426.85 پوائنٹس گر کر 79942.18 رہ گیا۔ اس کے علاوہ، نیشنل اسٹاک ایکسچینج (این ایس ای) کا نفٹی 126.00 پوائنٹس گر کر 24340.85 پوائنٹس پر آگیا۔ تاہم، بی ایس ای کی بڑی کمپنیوں کے برعکس، درمیانی اور چھوٹی کمپنیوں کے حصص میں خریداری ہوئی، جس کی وجہ سے مڈ کیپ 0.04 فیصد بڑھ کر 46121.42 پوائنٹس اور اسمال کیپ 1.54 فیصد بڑھ کر 54108.03 پوائنٹس پر پہنچ گیا۔ اس دوران بی ایس ای میں کل 4011 کمپنیوں کے حصص میں کاروبار ہوا جن میں سے 1040 میں، 2892 میں خریداری جب کہ 79 میں کوئی تبدیلی نہیں ہوئی۔ اسی طرح نفٹی کی 31 کمپنیوں میں گراوٹ جبکہ 19 میں تیزی رہی۔ بی ایس ای کے چار گروپوں کا رجحان منفی رہا۔ اس کی وجہ سے فنانشل سروسز 0.50، ہیلتھ کیئر 0.13، بینکنگ 0.73 اور کنزیومر ڈیوریبلز1.04 فیصد ٹوٹ گیا۔ نیزکموڈٹیز 0.96، ایف ایم سی جی 1.09، انڈسٹریلز 1.54، ٹیلی کام 1.05، یوٹیلٹیز 0.72، آٹو 0.63، کیپٹل گڈز 1.34، میٹل 0.52، پاور 0.63، ریئلٹی 0.98 اور سروسز گروپ کے حصص میں 27 فیصد اضافہ ہوا۔ بین الاقوامی سطح پر گراوٹ کا رجحان رہا۔ اس دوران برطانیہ کے ایف ٹی ایس ای میں 0.37 فیصد، جرمنی کے ڈی اے ایکس میں 0.59، ہانگ کانگ کے ہینگ سینگ میں 1.55 اور چین کے شنگھائی کمپوزٹ میں 0.61 فیصد کی کمی جبکہ جاپان کے نکیئی میں 0.96 فیصد کی تیزی رہی۔

Source: uni news service