آل انڈیا ملی اتحاد کونسل کی قومی مجلس منتظمہ کی تشکیل کے لیے ایک اہم نشست کا انعقاد کیا گیا جس کی صدارت کونسل کے صدر مولانا سلمان خوشتر حلیمی نے کی جب کہ نشست کی کارروائی کونسل کے جنرل سیکریٹری مولانا غفران ساجد قاسمی نے چلائی، نشست کا آغاز حافظ محمد مشتاق فاروقی کی تلاوت کلام پاک سے ہوا، بارگاہ نبوت میں نعت نبی کا نذرانہ قاری اعجاز احمد چشتی قادری نے پیش کیا، نشست کے اغراض و مقاصد پر روشنی ڈالتے ہوئے مولانا غفران ساجد قاسمی نے کہا کہ آل انڈیا ملی اتحاد کونسل کا قیام گذشتہ دنوں عمل میں آیا جس کے بنیادی مقاصد میں امت مسلمہ کے تمام مسالک و مکاتب فکر کو کلمہ واحدہ کی بنیاد پر کم از کم مشترکہ پروگرام کے تحت ایک پلیٹ فارم پر جمع کرنا ہے اور امت مسلمہ کو ملی مسائل کے حل کے لیے ایک آواز بنانا ہے، جب تک ہم متحد ہوکر اپنی اواز بلند نہیں کریں گے ہمارے مسائل جوں کے توں ہی رہیں گے، اتحاد زندگی ہے اور انتشار موت ہے، ہمیں اپنے اندر اتحاد و اتفاق کو فروغ دینا ہے، انہی مقاصد کو بروئے کار لانے کے لیے آل انڈیا ملی اتحاد کونسل کا قیام عمل میں آیا ہے، قیام کے وقت تین اہم عہدوں کا انتخاب ہو چکا تھا جس کے تحت مولانا سلمان خوشتر حلیمی کو صدر، مولانا غفران ساجد قاسمی کو جنرل سکریٹری اور مولانا عارف ثاقبی کو خازن منتخب کیا گیا تھا، اب چونکہ کونسل کے دائرہ کار کو بڑھانا ہے اور کونسل کو مضبوط بنانے کے لیے اس کا رجسٹریشن بھی ضروری ہے تو اس مقصد کے لیے مجلس منتظمہ کی تشکیل ناگزیر تھی، اسی لیے آج کی نشست بلائی گئی ہے، صدر مجلس کی اجازت سے انتخابی کارروائی شروع کی گئی، سب سے پہلے نائب صدر کے لیے اتفاق رائے سے مدرسہ فاروقیہ گوونڈی کے مہتمم مولانا شکیل ندوی کا نام پیش کیا گیا جسے شرکا نے منظور کیا، اس طرح مولانا شکیل ندوی کو کونسل کا سینئر نائب صدر منتخب کیا گیا، دوسرے نائب صدر کے لیے مولانا ثناء اللہ سلفی کا انتخاب کیا گیا اور تیسرے نائب صدر کے لیے محمد شاہد خان کو منتخب کیا گیا، شرکاء مجلس نے سبھی ناموں پر اتفاق کیا، جوائنٹ سکریٹری کے لئے مولانا محمد اسلم قاسمی اور مولانا ثناءاللہ غازی کو متفقہ طور پر منتخب کیا گیا، معاون خازن کے لیے سمیر فیصل خان کا انتخاب ہوا، ان تمام انتخابات کو صدر نے اپنی منظوری سے نوازا، مولانا محمد نصراللہ قاسمی اور قاری اعجاز قادری چشتی کو کونسل کا رکن تاسیسی منتخب کیا گیا، اس موقع پر کونسل کو چیریٹی کمیشن سے رجسٹریشن کرانے کے لئے لائحہ عمل بنایا گیا اور رجسٹریشن کی ذمہ داری صدر کونسل مولانا سلمان خوشتر حلیمی اور جنرل سیکریٹری مولانا غفران ساجد قاسمی کو سونپی گئی اور طے کیا گیا کہ جتنی جلد ممکن ہو وکیل سے رابطہ کرکے رجسٹریشن کے عمل کو مکمل کرلیا جائے، اس نشست میں ریاستی یونٹوں کی تشکیل پر بھی غور و خوض کیا گیا، جلدہی ریاستی یونٹوں کی تشکیل کی جائے گی، اخیر میں سینئر نائب صدر مولانا شکیل ندوی کی دعا پر نشست کا اختتام ہوا.
Source: social media
ایک شام بیادِ ظفر گورکھپوری
مدرسہ اسلامیہ پرائمری اسکول میں جشن اِساتذہ
آل انڈیا ملی اتحاد کونسل کی قومی مجلس منتظمہ کی تشکیل
جماعت اسلامی ہند مغربی بنگال کے وفد کا جے پی سی کے ممبران سے ملاقاتیں
رحمانی 30 کے طالب علم تابش رضا نے آئی ایس آئی، دہلی کے پروقار مقابلہ جاتی امتحان میں کامیابی کا پرچم لہرایا
انجمن باغ و بہار، برہ پورہ میں یاد کئے گئے شعری مجموعہ" خشک ٹہنی زرد پتے"کے خالق۔یوسف تقی
رحمانی 30 کے طالب علم تابش رضا نے آئی ایس آئی، دہلی کے پروقار مقابلہ جاتی امتحان میں کامیابی کا پرچم لہرایا
گرو نانک یونیورسٹی میں ایچ آر کانکلیو 2024 کا انعقاد
انجمن باغ و بہار، برہ پورہ میں یاد کئے گئے شعری مجموعہ" خشک ٹہنی زرد پتے"کے خالق۔یوسف تقی
ایک شام بیادِ ظفر گورکھپوری