Kolkata

ابھیشیک کے خلاف بولنے پر سوشل میڈیا پر مسلسل دھمکیاں دی گئیں

20/07/26

ابھیشیک کے خلاف بولنے پر سوشل میڈیا پر مسلسل دھمکیاں دی گئیں اب ابھیشیک بنرجی کے خلاف ایک اور الزام لگایا گیا ۔ بشن پور تھانے میں ڈائمنڈ ہاربر کے بی جے پی رہنما ابھیجیت داس کی بیوی موسومی داس گھوش نے شکایت درج کرائی ہے۔ ان کا الزام ہے کہ گزشتہ ہفتہ کو امتلا میں ابھیشیک بنرجی کے ایم پی آفس توڑنے کے دوران وہ وہاں موجود تھیں۔ اس وقت صحافیوں نے انہیں دیکھ کر سوال کیا تو انہوں نے ابھیشیک بنرجی کے مظالم کے خلاف غم و غصے کا اظہار کیا۔ اس کا ویڈیو سوشل میڈیا پر وائرل ہو گیا۔ الزام ہے کہ اس کے بعد سے مسلسل دھمکیاں شروع ہو گئیں۔ سوشل میڈیا پر ابھیشیک کے ‘ڈیجیٹل یودھا’ (جنگجو) انہیں نشانہ بنا کر گھناو¿نے حملے کر رہے ہیں۔ شکایت کنندہ موسومی داس گھوش نے بتایا کہ سوشل میڈیا پر دھمکیوں کی وجہ سے گزشتہ دو دنوں سے وہ سلامتی کی کمی کا شکار تھیں۔ پیر کی صبح بشن پور تھانے میں انہوں نے شکایت درج کرائی۔

Source: Admin