زندگی کے کٹھن دور کی یاد، ریا چکرورتی جذباتی ہوگئیں

اداکارہ ریا چکرورتی نے سال 2020ء زندگی کا نہایت مشکل اور شدید آزمائش کا دور ثابت ہوا تھا۔ ریا چکرورتی نے پوڈکاسٹ چیپٹر 2 کے سیزن فائنل کی ویڈیو شیئر کی، جس میں وہ اپنی زندگی کٹھن دور کو یاد کرکے جذباتی ہوگئیں۔ ان کا کہنا تھا کہ سشانت سنگھ راجپوت کی موت کے بعد مجھے مبینہ منشیات روابط کے الزام میں گرفتار کیا گیا اور متعدد سنگین الزامات عائد کیے گئے۔ 33 سالہ اداکارہ نے کہا کہ اس بحران کے دوران مجھے شدید ذہنی، سماجی اور قانونی دباؤ کا سامنا کرنا پڑا، تاہم 2025ء میں سی بی آئی نے اپنی کلوز رپورٹ میں انہیں تمام الزامات سے بری کردیا تھا۔ ریا چکرورتی نے مزید کہا کہ اس وقت میرے قریبی دوستوں خاص طور فرحان اختر کی اہلیہ اداکارہ شبانی دندیکر اور اُن کی بہن انوشا دندیکر مضبوطی کے ساتھ کھڑی رہیں۔ انہوں نے اپنی دوستوں کی غیر مشروط حمایت کو اپنی زندگی کی بقا کا بڑا سبب قرار دیا اور کہا کہ ان دونوں بہنوں نے ساتھ دیا وہ مجھے تسلی دیتیں اور کہتیں اگر تم روؤ گی تو ہم بھی رو دیں گے۔ ریا چکرورتی گرفتاری اور 28 دن جیل میں گزارنے کے بعد اپنی زندگی میں دوبارہ لوٹ آئیں، انہوں نے ٹی وی پر واپسی کی، اپنا ملبوسات برانڈا اور پوڈکاسٹ لانچ کیا، جو اُن کے حوصلے اور نئے آغاز کی علامت ہے۔

Source: social media