سلہٹ، 20 اپریل : ویلنگٹن مساکدزا اور بلیسنگ مزارابانی (تین تین وکٹ)، وکٹر نیاوچی اور ویسلے مادھویرے (دو وکٹ) کی شاندار گیند بازی کی بدولت زمبابوے نے اتوار کو بنگلہ دیش کو پہلے ٹیسٹ میچ کے پہلے دن پہلی اننگز میں 191 رن پر سمیٹ دیا۔ آج بنگلہ دیش کی ٹیم نے ٹاس جیت کر پہلے بیٹنگ کا فیصلہ کیا۔ بنگلہ دیش کا آغاز اچھا نہیں رہا اور اس نے 32 کے اسکور پر دو وکٹ گنوادیں۔ وکٹر نیاوچی نے شاندار گیندبازی کرتے ہوئے پہلے شادمان اسلام (12) اور پھر محمود الحسن جوئے (14) کو آؤٹ کیا۔ ایسے بحران میں مومن الحق اور نظم الشانتو نے اننگز سنبھالی۔ دونوں بلے بازوں کے درمیان تیسری وکٹ کے لیے 66 رن کی شراکت ہوئی۔ لیسنگ مجاربانی نے 32ویں اوور میں نظم ال شانتو (40) کو آؤٹ کر کے اس شراکت کا خاتمہ کیا۔ اس کے بعد ویلنگٹن مساکدزا نے ( مومن الحق 56) کو آؤٹ کرکے پویلین بھیجا۔ ویلنگٹن نے مشفق الرحیم (چار) اور تیج الاسلام (تین) کو آؤٹ کیا۔ مہدی حسن میراز (1) کو مجاربانی نے اپنا شکار بنایا۔ تیج الاسلام (تین)، حسن محمود (19) اور ناہید رانا (صفر) پر آؤٹ ہوئے۔ زمبابوے کے باؤلنگ اٹیک کے سامنے بنگلہ دیش کی پوری ٹیم پہلے ٹیسٹ میچ کے پہلے دن 61 اووروں میں 191 رن کے سکور پر سمٹ گئی۔ زمبابوے کی جانب سے ویلنگٹن مساکدزا نے 10 اووروں میں 21 رن دے کر تین وکٹیں حاصل کیں اور بلیسنگ مجارابانی نے 19 اووروں میں 50 رن دے کر تین وکٹیں حاصل کیں۔ وکٹر نیاوچی نے 15 اووروں میں 74 رن دے کر دو وکٹ حاصل کیں۔ ویسلے مادھویرے نے تین اوور میں دو رن کے عوض دو وکٹ لے کر بنگلہ دیش کی پہلی اننگز کا خاتمہ کیا۔

Source: uni urdu news service