Article | Akhbar-e-mashriq

International

یوکرین کا بڑا دعویٰ، روسی سخوئی جنگی طیارہ مار گرا دیا

کیف: یوکرین کی جانب سے بڑا دعویٰ سامنے آیا ہے کہ اس نے روس کا سخوئی جنگی طیارہ مار گرایا ہے۔ روئٹرز کے مطابق یوکرین کی فوج نے ٹیلیگرام میسنجر پر ایک بیان میں کہا ہے کہ فضائیہ نے ہفتے کی صبح ایک روسی لڑاکا طیارے کو مار گرایا۔ یوکرینی فوج کے مطابق یہ واقعہ آج صبح 7 جون، 2025 کو کرسک کی طرف پیش آیا، جب فضائیہ نے ایک کامیاب آپریشن کیا، فوج کی جانب سے اس سلسلے میں مزید تفصیلات نہیں بتائی گئیں۔ روسی افواج نے ابھی تک اس معاملے پر کوئی تبصرہ نہیں کیا ہے، جب کہ روئٹرز آزادانہ طور پر اس رپورٹ کی تصدیق نہیں کر سکا ہے۔ یاد رہے کہ یوکرین کی سیکیورٹی ایجنسی ایس بی یو نے گزشتہ ہفتے 40 سے زائد روسی فوجی طیاروں پر ایک بڑا ڈرون حملہ کیا تھا، جس میں دسیوں Tu-95 اور Tu-22 اسٹریٹجک بمبار طیاروں کو نقصان پہنچایا گیا تھا یا انھیں تباہ کر دیا گیا تھا، ان طیاروں کو روس یوکرین پر طویل فاصلے تک مار کرنے والے میزائل داغنے کے لیے استعمال کرتا ہے۔

Source: social media