اب پانی کی تکلیف مزید برداشت نہیں کرنی پڑے گی، گھاٹل ماسٹر پلان پر وزیر اعلیٰ کا بڑا اعلان
ہر سال برسات کے موسم میں پانی کی تکلیف اب مزید برداشت نہیں کرنی پڑے گی۔ آئندہ سال جون تک گھاٹل ماسٹر پلان کا زیادہ تر کام مکمل ہو جائے گا۔ بدھ کو بیرسنگھ گاو¿ں میں کھڑے ہوکر وزیر اعلیٰ شوبھندو ادھیکاری نے یہ بڑا وعدہ کیا۔ اس روز میٹنگ میں شرکت سے قبل انہوں نے ہیلی کاپٹر سے سیلاب زدہ گھاٹل کا فضائی معائنہ بھی کیا۔
شوبھندو نے کہا، ”اس بار بھی برسات میں گھاٹل زیرِ آب ہے۔ گھاٹل ماسٹر پلان جو گزشتہ دنوں صرف تقریروں تک محدود تھا، اب مرکز اور ریاست 50-50 فیصد رقم فراہم کریں گے۔ آفات سے نمٹنے والی فورس بھی کچھ رقم دے گی۔ ریاست کی جانب سے مجموعی طور پر 1200 کروڑ روپے منظور کیے ہیں۔ زمین کے حصول کا کام شروع ہو چکا ہے۔ داس پور اور گھاٹل کے اراکین اسمبلی کام پر نظر رکھیں۔ تاکہ گاو¿ں کے لوگوں کو ہر سال پانی کی تکلیف سے نجات مل سکے۔ پوجا کے بعد کام پوری رفتار سے شروع ہوگا۔ جون تک کام کو آگے بڑھانا ضروری ہے۔“
اس کے علاوہ وزیر اعلیٰ نے دریائے گنگا کے کنارے موجود کچے مکانوں کی فہرست تیار کرنے کی ہدایت بھی دی۔ ریاستی حکومت ہر کچے مکان کے مالک کو 1 لاکھ 80 ہزار روپے دے گی۔ انہوں نے جلد ہی یہ رقم فراہم کرنے کی یقین دہانی بھی کرائی۔