تمل ناڈو حکومت کی تشکیل : اتحاد کی گونج کے درمیان کانگریس نے وجے کے 'ٹی وی کے' کی حمایت کی، تعداد بڑھ کر 113 ہو جائے گی

کانگریس کی سیاسی امور کی کمیٹی نے بدھ کو متفقہ طور پر فیصلہ کیا کہ ٹی وی کے لیڈر تھیرو وجے کو سیکولر حکومت بنانے کے لیے حمایت دی جائے۔ پارٹی نے کہا کہ تمل ناڈو میں مینڈیٹ ایک سیکولر حکومت کے لیے ہے اور اس کا عزم ہے کہ "بی جے پی اور اس کے پراکسیز" جنوبی ریاست میں حکومت نہیں چلائیں گے۔ واضح رہے کہ تملیگا وٹری کزگم (ٹی وی کے) نے تمل ناڈو اسمبلی انتخابات 2026 میں 34.92 فیصد ووٹ حاصل کر کے 108 سیٹوں پر جیت درج کی ہے۔ حکمراں جماعت، دراوڑ منیترا کزگم (ڈی ایم کے) نے 24.19 فیصد ووٹ حاصل کر کے 59 نشستیں کامیابی حاصل کی۔ سیٹوں کے نئے اعداد و شمار کے حساب سے ڈی ایم کے اب اپوزیشن پارٹی بن گئی ہے۔ یہ فیصلہ منگل کی رات دیر گئے کانگریس کی ایک ورچوئل میٹنگ کے بعد لیا گیا جس میں ٹی وی کے کی جانب سے تامل ناڈو میں حکومت بنانے کے لیے حمایت کی درخواست پر فیصلہ کیا گیا۔ دراوڑ منیترا کزگم (ڈی ایم کے) اتحاد کے حصے کے طور پر الیکشن لڑنے والی جماعتوں میں سے کانگریس پارٹی نے پانچ سیٹیں جیتیں، انڈین یونین مسلم لیگ (آئی یو ایم ایل)، کمیونسٹ پارٹی آف انڈیا (سی پی آئی)، کمیونسٹ پارٹی آف انڈیا (مارکسسٹ) (سی پی آئی ایم)، اور وی سی کے نے دو دو سیٹیں جیتیں، نیز دیسیا مرپوک کزگم (ڈی ایم ڈی) نے ایک سیٹ جیتی۔

Source: social media