کامالگاچھی بائی پاس پر خوفناک سڑک حادثہ، 2ہلاک، 2کی حالت تشویشناک
ایک بار پھر رات کے شہر میں تیز رفتاری کا نشانہ بن کر ۲ افراد ہلاک ہو گئے۔ تشویشناک حالت میں مزید ۲ افراد کا اسپتال میں علاج جاری ہے۔ بدھ کی گہری رات یہ المناک واقعہ کامالگاچھی بائی پاس پر پیش آیا۔ ایک پرائیویٹ اسکول کے سامنے یہ حادثہ رونما ہوا۔ پولیس نے واقعے کی تحقیقات شروع کر دی ہیں۔
ہلاک ہونے والوں میں ایک کا نام ساگنک سین ہے۔ عمر تقریباً ۲۶ سال۔ باقیوں کی شناخت نہیں ہو سکی۔ اندازہ ہے کہ ان سب کا تعلق بائیج گڑھ علاقے سے ہے۔ پولیس اور مقامی ذرائع کے مطابق، بدھ کی رات چار نوجوان ایک چار پہیہ گاڑی میں کامالگاچھی بائی پاس پر جا رہے تھے۔ گاڑی تیز رفتاری سے دوڑ رہی تھی۔ گاڑی میں سوار چاروں نوجوان نشے کی حالت میں تھے۔ خیال کیا جا رہا ہے کہ نشے کی وجہ سے ڈرائیور گاڑی کا کنٹرول برقرار نہ رکھ سکا۔ جس سے گاڑی بائی پاس کے کنارے پرائیویٹ اسکول کے سامنے جا کر جا ٹکرائی۔ اس حادثے میں گاڑی کا ایک حصہ ب±ری طرح تباہ ہو گیا اور دیوار بھی گر گئی۔
گہری رات کو دھماکے کی آواز سن کر آس پاس کے لوگ دوڑ کر آئے۔ انھوں نے ابتدائی طور پر امدادی کام شروع کیا۔ نریندر پور تھانے کو اطلاع دی گئی۔ زخمی نوجوانوں کو خون آلود حالت میں نکال کر اسپتال پہنچایا گیا۔ وہاں ڈاکٹروں نے ۲ افراد کو مردہ قرار دے دیا۔ یہ حادثہ کیسے ہوا؟ پولیس نے واقعے کی تحقیقات شروع کر دی ہیں۔