Entertainment

ہسپانوی عدالت نے کولمبین گلوکارہ شکیرا کو ٹیکس فراڈ کے مقدمے میں بری کر دیا

ہسپانوی عدالت نے کولمبین گلوکارہ شکیرا کو ٹیکس فراڈ کے مقدمے میں بری کر دیا

ہسپانوی عدالت نے کولمبین گلوکارہ شکیرا کو ٹیکس فراڈ کے مقدمے میں بری کر دیا۔ خبر ایجنسی کے مطابق اسپین کی ہائی کورٹ نے حکم دیا ہے کہ شکیرا کو ادا کیے گئے جرمانوں کی مد میں 6 کروڑ یورو سے زائد رقم سود سمیت واپس کی جائے۔ عدالتی دستاویزات کے مطابق شکیرا پر ٹیکس چوری کے الزامات عائد کیے گئے تھے تاہم عدالت نے انہیں بے قصور قرار دے دیا۔ استغاثہ نے گلوکارہ شکیرا پر 2012ء سے 2014ء کے دوران 14.5 ملین یورو ٹیکس چوری کا الزام لگایا تھا۔ حکام کے مطابق شکیرا اس عرصے میں اسپین میں رہائش پذیر تھیں لیکن ٹیکس ریکارڈ میں اپنی رہائش کسی اور ملک میں ظاہر کرتی رہیں۔ دوسری جانب شکیرا نے اپنے بیان میں کہا ہے کہ میں اپنے بچوں کے ساتھ زندگی میں سکون چاہتی ہوں، میں نہیں چاہتی کہ میرے بیٹے اپنی والدہ کو طویل قانونی جنگ میں دیکھیں۔ ان کا کہنا تھا کہ ذہنی دباؤ اور جذباتی مشکلات اب ختم ہو گئی ہیں۔ گلوکارہ نے ایک بار پھر خود کو بے قصور قرار دیتے ہوئے کہا کہ اسپین کے ٹیکس حکام نے میرے خلاف سخت رویہ اختیار کیا۔ شکیرا کے مطابق 2014ء تک ان کی زیادہ تر آمدن عالمی میوزک ٹورز سے آتی تھی اور وہ طویل عرصہ اسپین سے باہر رہتی تھیں۔ واضح رہے کہ شکیرا نے 2015ء میں اسپین کو اپنی مستقل ٹیکس رہائش قرار دیا تھا اور دعویٰ کیا تھا کہ وہ 17.2 ملین یورو ٹیکس پہلے ہی ادا کر چکی ہیں۔

Source: social media

Post
Send
Kolkata Sports Entertainment

Please vote this article

0 Responses
Best Rating Best
Good Rating Good
Okay Rating Okay
Bad Rating Bad

Related Articles

Post your comment

0 Comments

No comments