عراقی وزیر اعظم محمد شیاع السوڈانی کی جانب سے شام کے صدر بشار الاسد کو یقین دہانی کرائی گئی ہے کہ ان کا ملک "دہشت گردی" کے مقابلے میں شام کو مدد فراہم کرنے کے لیے تیار ہے۔ عراقی فورسز نے اس بات پر زور دیا ہے کہ دونوں ممالک کے درمیان پرامن سرحد محفوظ ہے۔ عراق میں جوائنٹ آپریشنز کے ڈپٹی کمانڈر لیفٹیننٹ جنرل قیس المحمدوی نے پڑوسی ملک شام میں رونما ہونے والے واقعات کے پیش نظر سرحد کو مکمل طور پر بند کرنے کا اعلان کیا۔ انہوں نے اخباری بیانات میں کہا کہ عراقی سرحد مکمل طور پر بند ہے۔ انہوں نے اس بات پر زور دیا کہ مسلح افواج ملک کے تحفظ کے حوالے سے سوڈانی احکامات پر کاربند ہیں۔ یہ عراقی اعلان مسلح اپوزیشن دھڑوں کی جانب سے خاص طور پر حلب گورنری میں بڑے پیمانے پر کشیدگی کے بعد سامنے آیا ہے۔ ان دھڑوں نے شام کے دوسرے سب سے بڑے شہر حلب کے ساتھ ساتھ حما کے شمالی دیہی علاقوں اور ادلب کے کچھ علاقوں کو بھی اپنے کنٹرول میں لے لیا۔ ہفتہ کی سہ پہر شامی عسکریت پسندوں نے حلب کے ہوائی اڈے کا کنٹرول حاصل کرلیا جو دمشق کے بعد دوسرا سب سے بڑا بین الاقوامی ہوائی اڈہ ہے۔ 327 مارے گئے جبکہ بدھ سے جاری فوجی کارروائیوں کے نتیجے میں کم از کم 327 افراد مارے گئے، جن میں سے 183 ھیٗۃ تحریر الشام اور دیگر مخالف دھڑوں کے ارکان اور شامی فوج اور اس کے وفادار گروپوں کے 100 ارکان شامل ہیں۔ سیریئن آبزرویٹری فار ہیومن رائٹس کے مطابق 44 شہری بھی ہلاک ہوئے ہیں۔ اقوام متحدہ کے رابط دفتر برائے انسانی امور نے بتایا کہ حلب میں لڑائیوں کے نتیجے میں 14,000 سے زائد افراد بے گھر ہوئے، جن میں سے تقریباً نصف بچے تھے۔ دوسری جانب شام کی وزارت دفاع نے تصدیق کی ہے کہ وہ "تمام علاقوں کو دوبارہ حاصل کرنے اور انہیں دہشت گردوں سے آزاد کرانے کے لیے جلد ہی جوابی کارروائی کی تیاری کررہی ہے‘‘۔
Source: social media
حوثیوں کا کارگو بحری جہاز پر حملہ، 4 افراد ہلاک، 15 لاپتہ
پیوٹن پر ٹرمپ کی تنقید کے بعد روس نے یوکرین پر ڈرون کی بارش کر دی
جانتے ہیں ایران کا انتہائی افزودہ یورینیم کہاں دفن ہے: نیتن یاہو
جنگ بندی کیلیے ‘حالات’ تیار ہیں، اسرائیلی آرمی چیف
ٹرمپ انتظامیہ اور ریاست کیلیفورنیا میں انڈوں سے متعلق تنازع شدت اختیار کر گیا
سعودی کابینہ نے غیرملکیوں کو جائیداد کی ملکیت دینے کے قانون کی منظوری دے دی
ٹرمپ انتظامیہ اور ریاست کیلیفورنیا میں انڈوں سے متعلق تنازع شدت اختیار کر گیا
سعودی کابینہ نے غیرملکیوں کو جائیداد کی ملکیت دینے کے قانون کی منظوری دے دی
امریکا نے ایرانی بینکنگ نیٹ ورک پر مزید پابندیاں لگادیں
جنوبی کوریا کے سابق صدر کو حراست میں لے لیا گیا