شاہجہاں پور میں مسلم نوجوان اور ہندو لڑکی کی شادی، بجرنگ دل نے کیا ہنگامہ

شاہجہاں پور، اترپردیش: بجرنگ دل کے کارکنوں نے اتوار کی رات یہ اطلاع ملنے کے بعد ہنگامہ کھڑا کر دیا کہ ایک مسلم نوجوان نے مبینہ طور پر 16 سالہ ایک نابالغ ہندو لڑکی سے صدر بازار تھانہ علاقہ کے تحت واقع شہباز نگر کے ایک شادی لان میں شادی کر لی ہے۔ موقع پر موجود پولیس نے متعدد افراد کو حراست میں لے لیا۔ دولہا اور مبینہ طور پر نابالغ دلہن کو بھی تھانے لے جایا گیا۔ بتایا گیا ہے کہ اتوار کی رات شہباز نگر کے جنتا میرج لان میں ایک مسلم نوجوان کی شادی کی تقریب ہو رہی تھی۔ بجرنگ دل کے کارکنوں نے مبینہ طور پر ایک نابالغ ہندو لڑکی کے ساتھ شادی کی اطلاع ملتے ہی ہنگامہ کھڑا کردیا۔ ہندو یوتھ آرگنائزیشن اترپردیش (اے) کے ریاستی سرپرست راجیش اوستھی اور ریاستی صدر اونیش مشرا بھی اپنے کارکنوں کے ساتھ جائے وقوعہ پر پہنچے۔ اسی دوران پولیس پہنچی اور کافی تگ و دو کے بعد لڑکے اور لڑکی سمیت کئی افراد کو اپنی تحویل میں لے کر تھانے چلی گئی۔ ہندو یوتھ آرگنائزیشن، اتر پردیش (اے) کے ریاستی سرپرست راجیش اوستھی نے کہا کہ ایک 16 سالہ ہندو لڑکی کا مذہب تبدیل کیے بغیر ایک مسلمان شخص سے شادی کر دی گئی۔ اطلاع ملنے پر شادی روک دی گئی۔ پولیس سے کہا گیا ہے کہ وہ معاملے کی تحقیقات کرے اور جبری تبدیلیٔ مذہب کے خلاف سخت کارروائی کرے اور لو جہاد کا مقدمہ درج کرے۔ خبر کے مطابق پولیس دولہے کو تھانے لے آئی اور دونوں فریقوں سے پوچھ گچھ کی، پولیس کے مطابق شاہجہاں پور میں نابالغ ہندو لڑکی کی شادی روک دی گئی۔ پولیس نے ایک ہندو تنظیم کی رپورٹ پر ردعمل ظاہر کیا۔ شادی سے قبل دولہا کو تھانے لایا گیا، جہاں پولیس دونوں فریقین سے پوچھ گچھ کر رہی ہے۔

Source: social media