شراب کی دکان کھولنے کے لیے بدلے قوانین! شاپنگ مالز کے معاملے میں بھی ترمیم
ریاستی حکومت نے شراب کی دکان کھولنے کا لائسنس دینے کے قواعد میں تبدیلی کی ہے۔ نئے لائسنس کے حصول کے لیے ’نئی سائٹ‘ اور پہلے سے موجود یعنی ’موجودہ سائٹ‘ کی تعریف بھی نئے قواعد میں واضح کر دی گئی ہے۔ اسی کے ساتھ اگر کوئی دکان بند ہو جاتی ہے تو اسے دوبارہ کھولنے کا بھی موقع ہوگا۔ یعنی دوبارہ نیا لائسنس حاصل کیا جا سکے گا۔
صرف یہی نہیں، پہلے کے قواعد کے مطابق شہروں اور مضافاتی علاقوں میں مذہبی، تعلیمی اور صحت سے متعلق مخصوص اداروں سے شراب کی دکان کے لیے کم از کم 1,000 فٹ یعنی تقریباً 305 میٹر کا فاصلہ ضروری تھا۔ لیکن نئے قواعد میں اسے بڑھا کر 500 میٹر کر دیا گیا ہے۔ تاہم یہ اصول صرف نئے لائسنس کے حصول کے معاملے میں نافذ ہوگا۔ پرانی یا پہلے سے چل رہی دکانوں پر یہ اصول لاگو نہیں ہوگا۔
مغربی بنگال ایکسائز رولز، 2003 میں ترمیم کی گئی ہے۔ اس کے مطابق ایک نوٹیفکیشن جاری کیا گیا ہے، جس میں نئی شراب کی دکان کھولنے کے قواعد میں کئی تبدیلیاں کی گئی ہیں۔
نئے قواعد کے مطابق اگر کسی شخص کے پاس ایف ایل ٹریڈ لائسنس ہے تو وہ مقررہ شرائط اور رول 8 کی پابندیوں کی تعمیل کرتے ہوئے نئی سائٹ پر زمرہ 4(ای) کے ریٹیل لائسنس کے لیے اہل ہوگا۔ تاہم صرف نئی سائٹ حاصل کر لینا کافی نہیں ہوگا۔ اس معاملے میں ضلع انتظامیہ کے کلکٹر تمام پہلوو¿ں کا جائزہ لیں گے۔ خاص طور پر یہ دیکھا جائے گا کہ مذکورہ جگہ کے حوالے سے کوئی اعتراض یا قانونی پابندی تو موجود نہیں ہے۔ اس کے بعد معاملہ ایکسائز کمشنر کی منظوری کے لیے بھیجا جائے گا۔ مرحلہ وار لائسنس جاری کیا جائے گا۔ اس کے لیے متعلقہ درخواست گزار کو مقررہ فیس بھی جمع کرانی ہوگی۔
غیر ملکی شراب کی ’آن شاپ‘ کے سلسلے میں سب سے اہم قدم اٹھایا گیا ہے۔ اس کے ساتھ فاصلے کے قواعد میں بھی کئی تبدیلیاں کی گئی ہیں۔ پہلے مذہبی، تعلیمی اور صحت سے متعلق مخصوص اداروں سے شراب کی دکان کو لائسنس دینے کے لیے کم از کم 1,000 فٹ یعنی تقریباً 305 میٹر کا فاصلہ مقرر تھا۔ اب اسے بڑھا کر 500 میٹر کر دیا گیا ہے۔ میونسپل علاقوں سے باہر دیگر علاقوں کے لیے یہ فاصلہ ایک کلومیٹر برقرار رکھا گیا ہے۔
نئے قواعد میں یہ بھی بتایا گیا ہے کہ اگر ان اداروں کے ایک سے زیادہ داخلی راستے ہوں تو ان میں سے کسی ایک داخلی راستے کے مقررہ دائرے میں مجوزہ ’سائٹ‘ آنے کی صورت میں متعلقہ پابندیاں لاگو ہوں گی۔اس کے علاوہ شاپنگ مالز اور بڑے شاپنگ سینٹرز میں موجود بیئر، ایل اے بی اور وائن کی دکانوں کے معاملے میں بھی کئی ترامیم کی گئی ہیں۔ متعلقہ کچھ پرانے اور نئے لائسنس زمروں کا ذکر بھی شامل کیا گیا ہے۔شراب کے کاروباری افراد نے لائسنس کے حوالے سے حکومت کے اس فیصلے کا خیرمقدم کیا ہے۔ ان کا کہنا ہے کہ حکومت کی جانب سے کی گئی ان ترامیم سے متعدد کاروباری افراد کو فائدہ ہوگا۔