Article | Akhbar-e-mashriq

International

ٹرمپ کی یورپی یونین پر 50 فیصد اور آئی فونز پر 25 فیصد ٹیرف کی تجویز

امریکی صدر ڈونلڈ ٹرمپ نے یورپی یونین سے امریکہ درآمد کی جانے والی تمام اشیا پر 50 فیصد ٹیرف عائد کرنے کی تجویز دی ہے۔ صدر ٹرمپ نے جمعے کے روز سوشل میڈیا پر ایک پوسٹ میں لکھا کہ ’ان کے ساتھ ہماری بات چیت جاری ہے جبکہ نئے ٹیرف کا اطلاق یکم جون سے ہوگا۔ یاد رہے کہ یہ اعلان یورپی یونین کے ساتھ ٹرمپ کی تجارتی جنگ میں اضافے کی نشاندہی کرتا ہے۔ اس سے قبل انھوں نے ابتدائی طور پر یورپی یونین کی زیادہ تر مصنوعات پر 20 فیصد ٹیرف کی تجویز پیش کی تھی تاہم لیکن مذاکرات کے لیے وقت دینے کے لیے آٹھ جولائی تک اسے آدھا کرکے 10 فیصد کر دیا۔ صدر ٹرمپ نے امریکہ میں تیار نہ ہونے والے آئی فونز پر کم از کم 25 فیصد درآمدی ٹیکس عائد کرنے کا عندیہ بھی دیا۔ صدر ٹرمپ نے کہا کہ ’میں نے ایپل کے ٹم کک کو بہت پہلے اپنی اس امید سے مطلع کیا تھا ان کے آئی فون جو امریکہ میں فروخت ہوں گے وہ انڈیا یا کسی اور جگہ نہیں بلکہ امریکہ میں تیار کیے جائیں گے۔ اگر ایسا نہیں ہوا تو ایپل کو امریکہ کو کم از کم 25 فیصد ٹیرف ادا کرنا ہوگا۔‘

Source: Social media