رام چرن کی اہلیہ اپاسنا کے ہاں جڑواں بچوں کی پیدائش متوقع

جنوبی بھارت کی تیلگو فلم انڈسٹری کے معروف اداکار رام چرن اور ان کی اہلیہ بزنس وومن، ایڈیٹر اور مخیر خاتون اپاسنا کونیڈیلا نے جمعرات کو اعلان کیا کہ انکے ہاں دوسری بار ولادت متوقع ہے جو جڑواں ہوں گے۔ اس خوشخبری پر اس جوڑے کو ہر طرف سے مبارکبادیں موصول ہو رہی ہیں۔ بھارتی فلم انڈسٹری میں بہت زیادہ معاوضہ لینے والوں میں شمار ہونے والے 40 سالہ رام چرن اور انکی اہلیہ اپاسنا کی جانب سے اس کا باضابطہ اعلان کیا گیا۔ اپاسنا نے انسٹاگرام پر حیدرآباد میں دیوالی کے موقع پر منعقد ہونے والی اپنی گود بھرائی کی تقریب کی ایک جھلک شیئر کی، جس سے اسکی تصدیق ہوئی کہ وہ جڑواں بچوں کی ماں بننے والی ہیں۔ اس تقریب میں دونوں کے اہل خاندان جن میں ناگا بابو، ورون تیج، لوانیا تریپاٹھی اور دوست نین تارا، وینکاٹیش، ناگرجونا اور دیگر شریک تھے۔ رام چرن کی ٹیم نے بھی اس بات کی تصدیق کی ہے کہ یہ جوڑا جلد ہی جڑواں بچوں کے والدین بننے والے ہیں۔ اس موقع پر اوپاسنا نے لکھا کہ یہ دیوالی انکے لیے دہری خوشیوں اور محبت کا تہوار ثابت ہوئی ہے۔

Source: Social media