National

وزیراعظم مودی نے ایرانی صدر سے کی بات، بڑھتی ہوئی کشیدگی پر تشویش کا کیا اظہار

13/03/26

نئی دہلی : وزیراعظم نریندر مودی نے نے جمعرات کو ایران کے صدر مسعود پیزشکیان سے بات کی تاکہ مغربی ایشیا میں جاری جنگ پر تبادلہ خیال کیا جا سکے۔ وزیرِ اعظم مودی نے کہا کہ انہوں نے بڑھتی ہوئی کشیدگی اور شہری جانوں کے نقصان پر گہری تشویش کا اظہار کیا۔

وزیرِ اعظم نے اس بات پر بھی زور دیا کہ ہندستانی شہریوں کی حفاظت اور سلامتی کے ساتھ ساتھ سامان اور توانائی کی بلا رکاوٹ نقل و حمل ہندستان کی اولین ترجیح ہے۔
وزیراعظم مودی نے ایکس پر لکھا: ایرانی صدر ڈاکٹر مسعود پزشکیان سے خطے کی سنگین صورتحال پر بات چیت ہوئی۔ کشیدگی میں اضافے، شہری جانوں کے نقصان اور شہری ڈھانچے کو پہنچنے والے نقصان پر گہری تشویش کا اظہار کیا۔

انہوں نے مزید کہا کہ ہندستانی شہریوں کی حفاظت اور سلامتی کے ساتھ ساتھ سامان اور توانائی کی بلا رکاوٹ نقل و حمل ہندوستان کی اولین ترجیحات ہیں۔ امن اور استحکام کے لیے ہندستان کے عزم کا اعادہ کیا اور بات چیت اور سفارت کاری پر زور دیا۔

Source: social media