ویڈیو سے سیکھ کر جعلی ڈاکٹر نے آپریشن کر دیا، خاتون کی موت ہو گئی

آن لائن ویڈیو دیکھ کر جعلی ڈاکٹر کی سرجری سے خاتون موت کے منہ میں چلی گئی۔ یہ چونکا دینے والا واقعہ ریاست اتر پردیش میں پیش آیا جہاں جعلی ڈاکٹر نے بھتیجے کے ساتھ مل کر ویڈیو دیکھ کر خاتون کا آپریشن کیا جو جون لیوا ثابت ہوا۔ اتر پردیش کے بارہ بنکی سے طبی لاپرواہی کے اس واقعے کا مقدمہ درج کر لیا گیا ہے۔ ایک غیر قانونی کلینک کے مالک اور اس کے بھتیجے نے مبینہ طور پر یوٹیوب ویڈیو ٹیوٹوریل پر عمل کرتے ہوئے سرجری کی کوشش کی جس سے خاتون کی موت ہوگئی۔ رپورٹ کے مطابق، پولیس نے کہا کہ ملزمان بغیر کسی درست طبی اجازت کے کلینک چلا رہے تھے۔ شکایت کے مطابق، منیشرا راوت، جو پتھری سے متعلق بیماری میں مبتلا تھی، کو اس کے شوہر 5 دسمبر کو کوٹھی کے شری دامودر آشدھالیہ لے گئے۔ وہیں، کلینک آپریٹر گیان پرکاش مشرا نے مبینہ طور پر دعویٰ کیا کہ اس کے پیٹ میں درد پتھری کی وجہ سے ہوا ہے اور اصرار کیا کہ اسے سرجری کی ضرورت ہے۔ اس نے لاگت کا تخمینہ 25,000 روپے لگایا اور شوہر نے سرجری شروع ہونے سے پہلے 20,000 روپے جمع کرادیے۔ شوہر نے پولیس کو بتایا کہ مشرا – اس وقت مبینہ طور پر نشے میں تھا اور اس نے اپنے فون پر یوٹیوب ٹیوٹوریل دیکھنے کے بعد "آپریشن” شروع کیا۔ انہوں نے دعویٰ کیا کہ مشرا نے منیشرا کے پیٹ میں گہرا چیرا لگایا جس سے کئی رگیں کٹ گئیں۔ اس کی حالت تیزی سے بگڑتی گئی اور اگلی شام، 6 دسمبر کو اس کا انتقال ہوگیا۔

Source: social media