رائے بریلی:20نومبر: سابق صدر جمہوریہ رام ناتھ کووند نے عام الیکشن کو ملکی مفاد کا مسئلہ قرار دیتے ہوئے’ ون نیشن۔ ون الیکشن’ کی وکالت کی ہے۔ ایک ذاتی پروگرام میں شرکت کرنے یہاں آئے کووند نے پیر کو میڈیا نمائندوں سے بات چیت میں کہا کہ’ون نیشن ون الیکشن‘ ملک کی ضرورت ہے۔ اس کے ہونے سے جو ملک کا بجٹ اور ریسورسز بچیں گے اسے عوامی ترقیاتی پروگرام میں خرچ کیا جاسکے گا۔ انہوں نے بتایا کہ اس ضمن میں ایک اعلی سطحی کمیٹی بنائی گئی ہے جس کے وہ خود چیئرمین ہیں۔ ون نیشن۔ ون الیکشن کو لے کر بہت سی کمیٹیوں کی رپورٹ آئی ہے یہاں تک کہ پارلیمنٹری کمیٹی، نیتی آیوگ اور الیکشن کمیشن کی بھی رپورٹ ہے جس میں اس روایت کی ضرورت بتائی گئی ہے۔ اس عمل سے ایک وقت میں سارے الیکشن ہونے سے سرکاری مشینری اور بجٹ پر الگ سے بوجھ نہیں پڑے گا کیونکہ الگ الگ وقت پر الیکشن ہونے سے سرکاری مشینری اور حکومت کے بجٹ پر بھاری بوجھ پڑتا ہے۔ کووند نے کہا کہ وہ اس پر تمام لوگوں کے ساتھ مل کر و ان کی رائے لے کر کام کررہے ہیں اور تقریبا سبھی سیاسی پارٹیوں سے ضمن میں تبادلہ خیال ہوچکا ہے۔ کبھی نا کبھی تمام سیاسی پارٹیوں نے اس کے آگے پیچھے حمایت بھی کی ہے۔ سابق صدرجمہوریہ کا کہنا ہے کہ یہ ملکی مفاد کا موضوع ہے اور وہ اس پر مثبت کوشش کررہے ہیں۔ انہوں نے کہا کہ یہ عمل اگر نافذ ہوتی ہے تو اس کا مثبت اثر پڑے گا اور اس سے عوام کو فائدہ ہوگا۔ سابق صدرجمہوریہ اور ریاست کے مہمان ہونے کے ناطے کووند کو طے پروٹوکول کے مطابق کے مطابق اڈیشنل ڈی ایم انتظامیہ اور اڈیشنل ایس پی کی موجودگی میں گارڈ آف آنر کردیا گیا۔ پروگرام میں شرکت کر ساڑھے تین بجے سابق صدر جمہوریہ لکھنؤ کے لئے روانہ ہوگئے۔
Source: uni news service
ہاتھرس میں سڑک حادثہ، 15 لوگوں کی موت اور 16 زخمی
ایم ایل اے کا بھائی اور ڈرائیور نیپال بارڈر پر غیر قانونی کارتوس کے ساتھ گرفتار
’طیارے میں بم ہے‘، ہندستانی ائیرلائن کی پرواز کی ترکیہ میں ہنگامی لینڈنگ
آپ ہریانہ کی تمام سیٹوں پر الیکشن لڑنے کے لیے تیار: ککڑ
خاتون کی مبینہ عصمت دری کاقابل اعتراض ویڈیو پر حکمراں اور اپوزیشن جماعتیں حملہ آور
بہار میں 65 فیصد ریزرویشن، سپریم کورٹ آر جے ڈی کی عرضی پر غور کرے گی
امن کی مکمل بحالی تک پاکستان کے ساتھ کوئی بات چیت نہیں ہوگی: امت شاہ
راجیہ سبھا نے بھارت چھوڑو تحریک کے مجاہدین کو خراج عقیدت پیش کیا
آل انڈیا مسلم پرسنل لا بورڈ وقف ترمیمی بل کے سلسلہ میں جوائنٹ پارلیمانی کمیٹی سے ملاقات کرے گا: مولانا فضل الرحیم مجددی
سابق وزیر اور کانگریس ایم ایل اے عالمگیر عالم کی درخواست ضمانت مسترد