مشهور امریکی ارب پتی بل ایکمین نے کہا ہے کہ آنے والی اسرائیلی حکومت میں ایتمار بن گویر اور سموٹریچ شامل نہیں ہونے چاہئیں۔

انہوں نے کہا کہ انتہائی دائیں بازو سے تعلق رکھنے والے ان دونوں سیاست دانوں نے اسرائیل کی ساکھ کو زبردست نقصان پہنچایا ہے۔ مشهور ارب پتی یہودی ہیں۔ ان کی یہ عوامی مداخلت اسرائیلی عام انتخابات سے صرف دو دن پہلے سامنے آئی ہے جن میں رائے عامہ کے سروے وزیر اعظم نیتن یاہو کے اتحاد اور اپوزیشن کے درمیان سخت مقابلے کا امکان بتایا ہے۔

بل ایکمین نے ’’ ایکس‘‘ پر کہا کہ ایک ایسے شخص کے نقطہ نظر سے جو اس بات کی سمجھ رکھتا ہے کہ امریکہ میں اسرائیل کو کس نظر سے دیکھا جاتا ہے۔ بن گویر اور سموٹریچ نے اپنے بیانات اور اقدامات کے ذریعے اسرائیل کی ساکھ کو زبردست نقصان پہنچایا ہے۔

پابندیوں کے زیرِ اثر دو وزراء
بل ایکمین ، جو ’’ پرشنگ سکوائر کیپٹل مینجمنٹ‘‘ کے بانی ہیں اور جنہوں نے گزشتہ ہفتے نیتن یاہو کی تعریف کی تھی، نے مزید کہا کہ ان دو وزراء کے بغیر بننے والی حکومت یہ پیغام دے گی کہ اسرائیل ایک نیا باب کھول رہا ہے۔

انہوں نے مزید کہا کہ ان دونوں کے بغیر حکومت اسرائیل کو اپنی کھوئی ہوئی ساکھ واپس حاصل کرنے، ابراہیمی معاہدوں کو وسعت دینے کے موقع کو بڑھانے اور ڈیموکریٹس، ریپبلکنز اور عام طور پر امریکیوں کے ساتھ بہتر تعلقات سے لطف اندوز ہونے کی اجازت دی گی۔

واضح رہے صدر ڈونلڈ ٹرمپ کی پہلی حکومت کی ثالثی میں 2020 میں ابراہیمی معاہدوں تک پہنچنا ممکن ہوا تھا اور اس نے متحدہ عرب امارات اور بحرین کے ساتھ اسرائیل کے تعلقات کے قیام کو دیکھا۔ بعد میں اسرائیل نے مراکش کے ساتھ سرکاری تعلقات بحال کیے تھے۔ بن گویر اور سموٹریچ کے نمائندوں نے تبصرہ حاصل کرنے کی درخواستوں کا ابھی تک کوئی جواب نہیں دیا ہے۔ نیتن یاہو کی قیادت والے مذہبی قوم پرست اتحاد میں وزراء کے طور پر بن گویر اور سموٹریچ نے ایسی پالیسیوں کی نگرانی کی جنہیں اسرائیل میں عرب اقلیت اور مقبوضہ مغربی کنارے میں رہنے والے فلسطینیوں کے خلاف وسیع پیمانے پر امتیازی دیکھا جاتا ہے۔

برطانیہ، کینیڈا اور آسٹریلیا سمیت متعدد ممالک نے مغربی کنارے میں فلسطینیوں کے خلاف تشدد پر اکسانے کے الزامات کی بناء پر دونوں وزراء پر پابندیاں عائد کی تھیں۔ بن گویر کی سربراہی میں جیوش پاور پارٹی کے منگل کو ہونے والے انتخابات میں تقریباً 10 پارلیمانی نشستیں جیتنے کی توقع ہے۔ یہ گزشتہ چھ نشستوں سے زیادہ ہے۔ سموٹریچ کی سربراہی میں ریلیجئس صیہونزم پارٹی کے آٹھ نشستیں جیتنے کی توقع ہے جو سات سے زیادہ ہے۔

بل ایکمین، جنہوں نے گزشتہ ہفتے اسرائیل کا دورہ کیا تھا اور جو اپنی اہلیہ نیری آکس مین کے ساتھ تل ابیب سٹاک ایکسچینج کے پانچ فیصد کے مالک ہیں، نے 2024 میں ڈونلڈ ٹرمپ کی صدارتی امیدواری کی حمایت کی تھی۔ ٹرمپ نے گزشتہ ہفتے وزیراعظم کے عہدے پر نیتن یاہو کے جاری رہنے کی اپنی حمایت کا اعلان کیا۔

اسرائیلی تھنک ٹینک "مِتویم" کے سربراہ نمرود گورن نے کہا ہے کہ ایکمین کا بیان ٹرمپ کے قریبی حلقوں میں اس خواہش کی عکاسی کرتا دکھائی دیتا ہے کہ نیتن یاہو انتخابات کے بعد اپوزیشن پارٹیوں کے ساتھ قومی اتحاد کی حکومت بنانے کے لیے اپنے انتہائی دائیں بازو کے اتحادیوں کو چھوڑ دیں۔ لیکن نیتن یاہو کے اہم حریف گاڑی آئزنکوٹ اور دیگر اپوزیشن پارٹیوں کے قائدین نے اسرائیل میں وزیراعظم کے عہدے پر طویل ترین عرصہ گزارنے والے وزیراعظم کے ساتھ حکومت بنانے کو مسترد کر دیا ہے۔

ایکمین نے جمعرات کے روز تل ابیب میں منعقدہ ایک کانفرنس میں اپنی تقریر کے دوران نیتن یاہو کی تعریف کرتے ہوئے کہا تھا کہ انہوں نے 7 اکتوبر 2023 کو فلسطینی اسلامی مزاحمتی تحریک ۔ حماس کے حملے کے بعد سے اسرائیل کی حفاظت اور دفاع میں بہترین کارکردگی دکھائی ہے۔ ہزاروں اسرائیلیوں نے تل ابیب میں جمع ہو کر اس حملے کی آزادانہ تحقیقات کا مطالبہ کیا ہے جس میں تقریباً 1200 افراد ہلاک ہوئے تھے۔