امام کی بیٹی ناہید سلطانہ نے کیا کمال، دسویں میں 489 نمبرات لاکر پورے بہار میں حاصل کیا دوسرا مقام، علاقے میں خوشی کا ماحول

بہار بورڈ کے 10ویں جماعت کا نتیجہ جاری ہو چکا ہے۔ نتیجہ دوپہر 1:15 بجے جاری کیا گیا۔ پریس کانفرنس کے ذریعے نتیجہ جاری کیا گیا ہے۔ جاری شدہ نتیجہ کے مطابق اس بار بیگوسرائے کی ناہید سلطانہ نے شاندار کارکردگی دکھاتے ہوئے پوری ریاست میں دوسرا مقام حاصل کیا ہے۔ ناہید نے کل 489 نمبرات حاصل کر کے یہ ثابت کر دیا کہ بھائی کی رہنمائی، محنت، صحیح رہنمائی اور خوداعتمادی سے کسی بھی مقصد کو حاصل کیا جا سکتا ہے۔ جاری شدہ نتیجہ کے مطابق ناہید سلطانہ بیگوسرائے ضلع کے بھگوان پور پرکھنڈ کے تحت بنواری پور پنچایت کے وارڈ نمبر 11 کی رہنے والی ہیں۔ ان کے والد سہراب عالم گاؤں کی مسجد میں امام ہیں، جبکہ والدہ گھریلو خاتون ہیں۔ ان کی کامیابی گاؤں والوں کے لیے نئی خوشیاں لے کر آئی ہے۔ 2006 کے بعد یہ پہلی بار ہے کہ اسی گاؤں سے ٹاپ 5 کی طالبہ سامنے آئی۔ اب اس بار بہار بورڈ کی سکینڈ ٹاپر۔ ناہید کے مطابق انہوں نے اپنی تیاری بنیادی طور پر سیلف اسٹڈی کے ذریعے کی۔ روزانہ 6 سے 7 گھنٹے پڑھائی کرنے کی بات بتائی۔ انہوں نے بتایا کہ تمام مضامین پر برابر دھیان دیا۔ انہوں نے آن لائن اور آف لائن دونوں ذرائع سے پڑھائی کی، خاص بات یہ رہی کہ انہوں نے سب سے زیادہ نمبر اردو میں حاصل کیے، 98 نمبر، اور میتھ میں 97 نمبر حاصل کیے، جو ان کے مضبوط مضامین رہے۔ انہوں نے اپنی کامیابی کا کریڈٹ بڑے بھائی محمد دانش کو دیا۔ انہوں نے بتایا کہ ان کے بھائی نے ہر قدم پر رہنمائی کی، پڑھائی کا صحیح روڈ میپ سمجھایا اور ہمیشہ حوصلہ افزائی کی۔ مشکل وقت میں بھائی کا تعاون ہی ان کی سب سے بڑی طاقت بنا۔ بھائی نے بھی بتایا کہ گھر میں ہی پڑھائی کی گئی، کہیں کو چنگ نہیں کی۔ ناہید راجکیہ کرت ہائی اسکول بنواری پور کی طالبہ ہیں۔ انہوں نے کہا کہ اب ان کا مقصد 12ویں میں سائنس لے کر اچھے نمبروں سے پاس ہونا ہے اور آگے میڈیکل کی تیاری کر کے ڈاکٹر بننا ہے۔ وہ معاشرے کی خدمت کرنا چاہتی ہیں اور محتاجوں کے لیے کچھ بڑا کرنا چاہتی ہیں۔

Source: social media